قبيلة بني رشيد - هذه القصيده قيلت في المرحوم/فلاح البصمان عام 1412هجري


	بديت بسم الله غنيً عن الناس== الواحد اللي بالسموات عالي منجي حياة أيوب من عقب الأتعاس== ومنزل علاجه من صدوق الخيالي أخرج أبليس عقب ماكان بلاس== وخلق حوى من ضلوعن عوالي ومن بعدها ملفاك عزن ونوماس== بالطيب مذكورين في كل حالي يفزع معك لو يشرب المر بالكاس== لين يتجدد عقب مره بحالي أنخاك يافلاح ياعرب الأجناس== يامكرمين الضيف أول وتالي أبوك حر بوسط القوم رماس== حراً أصيل وماكره بالعوالي يوم الملاقى يوم مطرود الأفراس== فعله عريق وافيً بالكمالي يصبر على الصكات لو كان حساس== لو أن دمه من مجاريه سالي عدوكم مهزوم ومنكس الراس== لو أن يومه مع لياليه طالي يرجع وهو خايب منكس ومنحاس== خسر المغازي وأخذ منه الحلالي وزبن الصديق اللي له الوقت دواس== زبنه ليا من ثقل حمله ومالي أمدحك يافلاح ومدحك على الراس== عزالله انك من قروم الرجالي أشرح لك أظروفن على القلب تنلاس== ماتنمحي لو باقي العمر زالي أبغاك تنقلني ومن غير منكاس== أبغى الشمال برادتي واكتمالي بقدر أستطاعتكم نبا نفوز بالكاس== وأنتم لها أن ركب الرشا بالمحالي ولاينبني بيتً ولاوضع له ساس== لوكان يشدى نايفات الجبالي ياعز راسي يوم غارات الأفراس== تاصل حبالك وقت قصر الحبالي وصلاة ربي عد ماخط بالماس== خط موصل من صديقً لغالي وعلى النبي اللي هدى الجن والناس== بقدرة المولى عزيز الجلالي وهدم عمود الشرك وأتبعهم الباس== وضع طريق الحرم من الحلالي شفيعنا بأخر لحظات الأنفاس== شفيعنا يوم الحشر والزوالي الشاعر/حامد سعود الحنيفان