مشيت من دار السعود السلاطين=وامسيت في دار الكنايس والاصنام
الديرة اللي كل اهلها مشركين=مافيهم اللي حج ابدا ولا صام
حدتني الدنيا عليها الى حين=ثلاثة سنين على خير قدام
مالي جدى ياكودها دمعة العين=ربي يصبرني على طول الايام
الغربة اللي غربتني من سنين=ياحسبي الله كانها غربة اعوام
ياويل حالي ياديار الحرمين=قبلة هل الاسلام وديار الاقرام
ديرة هل العوجا ودار الميامين=هي منبع الاسلام من يوم الاسلام
سلام مني يازبون المخلين=يابو اليتامى عد ماخطت اقلام
لمليكنا الغالي تحية كريمين=تشرق وتغرب في جنوبا مع شام
تشتاق روحي لصوت كل المسلمين=اليا اذن المأموم ثم قام الامام
في وسط لندن غاب صوت المصلين=مساجدا قلة ولافية من قام
ماتسمع الا نباح ناسن مجانين=تسكر وتنكر ثم تسلى بالافلام
ماعندهم مذهب ولاعندهم دين=كلن على ماقيل عايش بالاوهام
ياوجد روحي يادايار الحرمين=قبلة هل الاسلام وديار الاقرام