قبيلة بني رشيد - أتـرك عـلـوم مشذبـيـن العراقـيـب0للشاعر غازي البراك

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

أتـرك عـلـوم مشذبـيـن العراقـيـب0للشاعر غازي البراك

بسم الله الرحمن الرحيم
السلام عليكم ورحمة الله وبركاته
هذه القصيده اهداء من الشاعر غازي البراك الى الاستاذ نايف خنفور الرشيدي
نايف عزمني على زواجه ولكن حدتني الظروف ولم احضر زواجه وبعده بالسبوع حضرت
في نفس المنطقه وعند ماجيت اسلم عليه قال انت راعي مصالح مالك معرفه وهذا عتاب اخو لاخوه
ومن بكره صلحت هذه القصيده وزرته في بيته وقلت القصيده في حضور عمه وبوه وعذروني بيض
الله وجيهم وانا حبيت نقلها ايليكم في هذا الصرح الشامخ امل ان تحوزعلى ستحسانكم

بسـم الله الرحمـن مـبـدأ المكاتـيـب=مبـدأ الكتـاب الـلـي لنـايـف كتبـنـاه
المعـذره يـا منبـع الجـود والطـيـب=يالطيـب اللـي تفـعـل الطـيـب يمـنـاه
سـاس الرجـال مكمليـن المواجيـب=أهل الكرم والطيب والمـدح والجـاه
عمـك وبــوك مكثـريـن التراحـيـب=وانته علومك ترفـع الـراس طريـاه
ما كنت افكر يوم عن حفلـك اغيـب=ولوهو بكيفي كان حفلـك حضرنـاه
يا نايف الدنيـاء ظـروف ومكاتيـب=وما يكتبه ربـي علـى العبـد مضـاه
عمر الفتى مابيـن درس وتجاريـب=ياخـذ مـن الدنيـاء دروس المعـنـاه
اسمـع كـلام مرتـب الشعـر ترتيـب=شاعـر مـع الشعـار مـايـزل معـنـاه
وتـرك عـلـوم مشذبـيـن العراقـيـب=الـلـي يـقـول السالـفـه ثــم ينـسـاه
الـلـي يــدور بالـرجـال الـعـذاريـب=يلـقـى ويلـقـى مــن يبـيـح حفـايـاه
وعرف الرجال الطيبه للي مكاسيب=والاالــردي الـصـد يـازيـن فـرقــاه
وختامها فـي ذكـر مـن يعلـم الغيـب=الـلـي عبـيـده كـــل يـــوم تـرجــاه