بالله عليكم لاتصكون الابواب= اخاف اطالع زول من ينعش الروح
مالي عن النظره ليا جيت مجناب= لوكان في سلم العرب ماهو مسموح
انا يماني ومتولع مع اجناب= حبه بقلبي شارك الدم والروح
اليا عرضلي في جديدات الاسلاب= ونيت ونت من لقا اخوه مذبوح
واليا نظر في رمش ناعس وجذاب = اخذتلي ساعه على الارض مطروح
تكفون يابنا عبس عكفان الاشناب = ضاعة ذلولي بين ابنات وطلوح
تتبع ضعنكم ياعريبن الانساب= ماهي بقريه تتبع البدو وسروح
ابغا معونتكم وتنشيد الاقراب= اخاف ياتي علم عن مبعد الشوح
ويالسبع كانك وقت في راس مراقب= في راس عيطا تزعج اعواك في صوح
حق النظر مابين وارد وعزاب= لحيث شوفك يكشف الارض بو ضوح

صح السانك ياوضاح والعيب بالذخر نبغا نشد عن ذاهبتك والتوفيق على الله والحب الشريف مافيه شي ولكن ترى السبع من كثر دوجته بالصحاري والاقفار اقرب منا بجيبت الخبر والمعزب من كثر الضيفان والطراقي اللي تجيه يجيب الخبر