أقبل يحرك خطوة الرجل برفوق = والقاع لمصافح خطاه تشوق
مخلوق لكنه مهوبأي مخلوق = على بنات آدم وحوا تفوق
مر وتعدى مابدا منه منطوق = وأظنه بجيش المفاتن مطوق
عليه لبس يجمع الوسع والضوق = موسع بعضه وبعضه مضوق
خلاني أمشي وأقضب الدرب وأتوق = ماني بتايق عقل لكن متوق
تقول مرمي(ن) على الأرض من فوق = وألا من السم السقطري مذوق
يغفى علي شوي وشوي أفوق = وأقول لأستيقضت والبال روق
لاصار لامعوق ولاصايبه عوق = وراه يمشي مثل مشي المعوق
اللي على حاله خطر من هل السوق = مفروض يمنع مايروح يتسوق