بالبدايه انا سعيد بتواجدي بينكم وهذي اول مشاركة لي
واتمنى تعجبكم

مالكم بالطويلة

هذا مره من المرات قبل 15 سنه تقريبا قنصت الذيب بجبل اسمه (قصيرا) يقع شرق مدينه السليمي الواقعة بمنطقة حائل

لقيت الذيب واطلقت عليه النار وصوبته اصابه بالغة ولكن ياطويلين العمر نفذت ذخيرتي وطبعا انا ماكنت راكب سيارتي كنت رجلي

وتقابلت انا والذيب وجها لوجه
وقلت عزالله انها نهايتك يالدهشي

والذيب يبي ياكلني
ولكن قعدت احذفه بالحصى وابتعد عني
ليمن راح واصابته من البندق كانت بالغه ولا كان اكلني ولا نفعني حصاي

وقلت هالبيتين

الذيب بغى يتعشى حميد..... خوذوا له الثار يااصحابه
ذيب حشرني براس الحيد.... ابيه وتكشر انيابه

وسلامتكم