قبيلة بني رشيد - ذكرتني القصائد في غلا من هويت...وإبتدى الدمع يسري من عيوني هدر

قلت ابكتب قصيده .. للمشاعر ضميت
وأعزف الحان قافي لين يصبح شعر

لين صارت قصيده صغتها بيت بيت
صاحبني دموعي والقلم والقمر

ذكرتني القصائد في غلا من هويت
وإبتدى الدمع يسري من عيوني هدر

أبتسم للدموع وتنهمر لابكيت
فوق ليل المشاعر للقمر وانبهر !

قال: ليه الدموع ؟ وقلت : ياما شكيت !
اشتكي لليالي واشتكيها بقهر !

قال : ياما سمعت وقال ياما رأيت
ليت من هو غلط من غلطته يعتبر

( ياعيون ) الليالي مثلها ماعطيت
كم عطيت الليالي من خيوطي سفر

واصلي في حديثك بعدني ما أرتويت
وابتديت بكلامي سارحه واستمر

قالوا : الحب بلوى قلت يالله نويت
في جميع المواقف لي دروبٍ خضر

غلطتي بانتظاره كل يومٍ عنيت
ابتدي به غرامٍ وانتهى به سهر !!

يوم جيت احتمي به ليتني ما احتميت
بتركه لليالي والقضاء والقدر

ليتني ماعرفته يوم فيه ابتليت
كنت في وسط قلبه بس حظي غدر

اوف مكثر بيوتٍ وسط قلبي بنيت
لين صارت مدينه من حطام الدهر !

هذا جور الليالي في غلاته وفيت
واخذلتني الليالي كل شي انكسر

ياقمر قله اني ساكته وان حكيت !
خبره بالسلام وبلغه ذا الخبر :

طحت من وسط عيني يوم منك انكويت
بس صعبه اردك في عيون السهر