قبيلة بني رشيد - قصة وفا مَاهِـي خَيَـالٍ والعَـربْ يحِكَـاَ لهـا فَلا ارتسم ضحك الشفاه ../ ولا بقى

لَوْ تَصْفِقين الخْمَس بالأخْمَاس مَـا ضَنـيِ تِهِيْـد
عيْنِي ولَوْ نَاديت بأعلَى الصـوت يَرْحـم حَالَهـا
هَاتِي جُذور الحَزنْ أبَغْرِسهَا وانا دَمْعِـي حَمَيْـد
واَسْتَعْصِمِـكْ مَـادَامْ دَيجـور الشَّقَـا يِحْلاَلَهـا
لا وآعَذَابي كلَِّمَا شَمْسِـي عَـن المَشْـرِق تِحِيْـد
تَقْبِـلْ وَتَقْفِـي بِـي سُمُـومٍ وَاحْتِسِـي فِنْجَاَلهـا
غَصْبَ اتِجِرّْع مِنْ سُمُوم الليَل لَوْ رَاسِـي عَنِيْـد
لا رِحْـم ابـو حَـظً رَمَانـي بغيْبَهَـا وأهوالهـا
مِنْ خِلْقِـة الدَنيـا وحِنَّـا حَالنَـا نقْصَـه يزيـد
ليت الأماني ليتَها .. مَاتَـتْ .. ولا جـا فالهـا.!
نَاسٍ تِشيْل أحْقَادَهـا واحْسَادَهـا عِـدّ(ن) عَتَيْـد
تنَفِْثْ سمـوم الغَـدْر فـي يديـنٍ تبَـي تِشْتَالهـا
وانا كِما طِيـرً غَـدَى لِـه قِصَّـةٍ تنَقِْـل قِصِيْـد
قصة وفا مَاهِـي خَيَـالٍ والعَـربْ يحِكَـاَ لهـا
فَلا ارتسم ضحك الشفاه ../ ولا بقى عقلٍ رشيـد
كم لي وكـم ياراويـه مِـنْ فعلهـا واقوالهـا..!
(ولْ قبح الله) جرح جعل المعرفة بـه مـا تِعِيْـد
اليا طَرَالي مَا نشدت الـروح ويـش أحوالهـا ؟
في سَاعِةٍ لَوْ كَانْ لقُمَـان السديـد ابـن السديـد
يسلم ويسلـم مـا لقـى بيـن الحلـول احْلالهـا
يا عنك ناَظَر جِفْن عَيني مِرتِخـي مَاهـو سعيـد
والعُوْد الاقْشَر كيف ناحل ..!؟ والضلوع ارثالها
رِجْلِيْ حَفَتْ يوُم العَماس يثـوع بالحـظ القريـد
مِنْصم ما هزّه عَظيْم الصـوت لا لـه لا لهـا.!
كالغيم همي .. وين ما وجهت .. / نسمع له رعيد
ولا نكرت سمعي شفت برقه مع سـراب لالهـا
في ساحة ما فيـه عنـدي لا سـلاح ولا وقيـد
يومن جيش الضيـق يجتـاح الضلـوع وطالهـا
ذنبي..! نقلت الجرح باحساس المـروه واستعيـد
من ماضي الازمـان ذكـرى وآقعـي وابرالهـا
ذنبي ..! خسرت اللي وجوده كَفْو يا نعِم السنِيـد
اللي عليـه دمُـوع عَينـي مَـا سِكـنْ همالهـا
لامـا يهـدَّ المسْرِجَـات إلا بشـذرات السديـد
حي جحفـلا يـوم الوَغَـى دَكَّ الفـلا بجبالهـا
متمركز فـوق النجـوم موثـق العـروه فريـد
راقي سنا غاشـي ثـرى بالطرقـه اللـي نالهـا
فلا يفـل مِـنْ الحَدِيـد .. إلا شِدِيـدات الحديـد
والصبـر طَيّـبْ والحبـال يحلـهـا حلالـهـا
ما عنك قاصر يا يميني .. لا ولا بعرقـك بليـد
أخشى يقـال البنـت لاهـي لعمّهـا ولخالهـا.!
اي احسب حساب القريب مـن الاحبـه والبعيـد
نـاس ليـا طلـت تباشـر نـورهـا بقبالـهـا
ناس علينـا حقهـم والحـق فـي عرفـي أكيـد
لا مرّهم قوس النكد ..! فزّيت أقـول انـا لهـا
وانا بنيه قد حَقَنْت الطيـب مـع عـرق الوريـد
حتى ازهمونـي هيـه يـا بنـت العبيـه يالهـا
لني صنعت المجـد بيدينـي وانـا مجـدي تليـد
نَكّْسـت روس مـا تنكـس مـن رداة افعالـهـا
مير الحزنْ.. سوى سوايا , جعل عرفه لا يعيـد
والضيق ثاوي في مخاريـج الحشـا ومدخالهـا
ومدام حنا لطاعة المولـى وحنـا لـه عبيـد ..
مالي سواااه اركـي عليـه المعضلـه بحبالهـا.
الشاعره معاني الشوق