ياهاجسي صوتن من بعيد ناداك=من عالي هضاب المحبه دعاكا
شد الرحايل له وزهب مطاياك= وارخ العنان لمسرجاتن تباكا
ارسم على طويق الجبل سكة خطاك = حتى تبين بي مواري خطاكا
الله يجملي مشدك ومبداك = ويزين لي بين المهار معداكا
صوتا تناديني ترا هاجسي جاك = اوحيت فجبال الضماير صداكا
تصرخ علي وهاجس السمع موحاك = لولا المشاعر تستجيب لنداكا
وايضا بحوري مع ترنم شفاياك = تهيج ويدب الهلع والهلاكا
ويسيل واد الشعر من فيض ذكراك = لو ان نبته ميتا من بطاكا
يالي من غبون الغلا اسقيتني ماك = وعليت نبت ارضي بوابل سماكا
اشرب من غبون الغلا هم واضماك = بالحب والاخلاص محلا ضماكا
حبك بحر وابحر معه مثل الافلاك = واسطول شعري مارسى الابماكا
كنه جبين الصبح طلة محياك = ليا تفجر في ضلامي سناكا
ومن انكسار الضؤ بالماء حلاياك = بينك وبينه بالميول اشتراكا
تكبر ويكبر في همك وبلواك = ويزيد في قلب المعنى غلاكا
والله لتبطي عضم لايمكن انساك = ويشيب عصفور الهوا مانساكا
الله يجمل هاجسن في طراك = ويجملك فيه وش الي دهاكا