بسم الله ابدأ والقصيد ابديبـه=وانقده عن كـل شـي يعيبـه
شعـرن يجملنـي لياغنيـتـه=والله لوماثـق منـه ماجيبـه
شاعر وامثل لابتي في شعري=واطب في سوق الشعر وشريبه
والشعرفيـه معلـي ٍ ومدلـي=لامرنقـاد الشعـر تدريـبـه
والا قليل المعرفه يجهـل بـه=يمـر ماميـز رداه وطيـبـه
ماكل من ورد قصيده شاعـر=الشعر غير الوزن والتركيبـه
يميز الشاعر من المستشعـر=ياكثرمن يخط الهدف مايصيبه
بعض القصيـد الله لا يبلانـا=نقص علـى شعـار ٍ تغنيبـه
والله حرام يقال صح لسانـك=وهو يسبب للشعـر تخريبـه
وغير القصيد ملاحظاتٍ واجـد=على شباب ٍ فيه شـك وريبـه
اشوف منهم بالمجالس عينـه=يمشون في سلم ماحد راضيبه
اخص من ضيع سلوم جـدوده=ويحب سلم العولمـه يمشيبـه
يحب لبس البنطلون الضيـق=وان جاه ضيف يصد مايحييبه
مجنبٍ كـل السلـوم الاولـى=وابوه يفخـر فيـه ويماريبـه
لاصار يفخر به على هالحالـه=ابوه مثلـه ضايـع ٍ تاديبـه
شفنا مجالسهـم وعفنامنهـا=أصغارهم مايقـدرون الشيبـه
والمجلس اللي شايبه مايقـدر=اخيرلي من مجيتـه تجنيبـه
ناس كذأ مشفق على جيتهـم=لن الصحيب مقارنن بصحيبـه
اللي على قلة سنـع جمعاهـم=اكثر سوالفهم نفـاق وغيبـه
ومبررات ان الزمـن متغيـر=خذ ماتبيـه ومايغثـك سيبـه
كلن يعذرب بالزمـن ويذمـه=ويقو ل وقت ٍ جاب كل مصيبـه
والعيب ماهو بالزمن برجالـه=والا الزمن ماشي على ترتيبه