غديت مثل اللي عن الناس معزول = شهرين ماكن احدا مر حوله
او مثل من يمشي مع الخلق مذهول= مشغول باله ومن كذا طق جوله
نطلب من الله ياعسى ضرف ويزول= ضرفا يمر ابنا عسى الله يزوله
احداث فاقت مستوى الشرق بالطول = فاقت على ابعاده بعرضه وطوله
منها المفكر صار بالوقت مشلول = زودا على هذا اليدين معقوله
ياهيه ياللي تسأل البال مشغول= وشلون تسأل واحدا راح جوله
متسابقه بنات فكره تقل جول = عنده فرايدها تقول معزوله
لو صد عنها جت تحاكيه وتقول= حنا حضرنا والبحر زاد هوله
اسبح بحورالشعر وابحث عن اللول= واختار للجمهور من زين لوله
عسى يخف اللي كما الليل مسدول= عليك يارجلا وقف دون قوله
بعض العرب طبعه على الخير مجبول= وبعض العرب قاصر بطبعه واصوله
يالله يباعث على الحق مرسول= يباعث محمد لخلقه رسوله
وقايتك يارب من شدة الهول = يوم الحساب عقول خلقك ذهوله