سلام ياهل الوفا والمجد والطالة = قومن لهم بالفعول اسمن و عنواني
للنار لا شبت النيران شعالة = ندوس راس الخطر مايوم ننهاني
وللخيل في وقتها ياناس خيالة = ناطى المخاطر وحن للمجد ميداني
لا كان رجل بغروره غادين حاله = النا الفخر كان صحنا روس عتباني
ربعي هل المجد حنا المجد منزاله = حنا الفخر والكرم وتشوف الاعياني
عدونا في اللقا ياربع يرثا له = ناطى المنارات قبل نهد الامتاني
عدونا في لقانا حظر تجواله = في يدّنا نقطعه وتخف الاوزاني
وانا عتيبي واهوز الطيب وارقاله = شاعر ولي منزلي ياغر الامزاني
ولا خوي العتيبي طيبن فاله = حظه تعلى وصار الحظ سلطاني
ياعون ربعه خوي الدرب يزهاله = ان ماتوطا الحقايق والخفا باني
انشد هل المجد ربع الطيب وعياله = تعرف مواقيفنا من ماض الازماني
من عهد تركي حكمنا نجد ورجاله = يالين جا للسنافي قدر ماهاني
حنا سلاطين نجد وفعلنا جاله = يالين نجد العذية مزبن العاني
يالين جاها وريث المجد وعياله = ياعزهم عز ناسن تعلي الشاني
المجد بالدم يكتب بالورق حاله = ويجدد الحال في تطبيق عتباني
وختامها ياهل التاريخ وارجاله = ياراية المجد في قولن وميزاني
المجد يعرف هل الوقفات تزهاله = ياعبس يالابتن للطيب عنواني

المجد يعرف هل الوقفات تزهالـه
............ياعبس يالابتـن للطيـب عنوانـي