اي بالله اخطوا و الخطا اللي جابهم عين الصـواب=مبطي وانا اشوف الطمع يكشف رداهـم
واستـره ما يملي عيون الحسود بهالزمـن غيـر التـراب=ومن لا يتوب من الخطـا تحـرم عليـه المعـذره
اللي مـن اولهـا خـراب اكيـد تاليهـا خـراب=و البندق اللـي مـا تثـوّر فـي هدفهـا تذعـره
ودك اليامن جاتك الغلطـه مـن النـاس القـراب=الصاحب اللي ما كسبت محبتـه .. مـا تخسـره
مشكلتي اني ماعرفت احسـب لصدتهـم حسـاب=قلطتهم صدري علـى ذكـرى قصيـد و حنجـره
صوت ٍٍ يصول بمنبره و اخطاب ما بعـده خطـاب=و الطيبه اللي زعزعت صوت الخطيـب و منبـره
ما فيه دمعٍ صوبـوه احبابـي بوجهـي و دخـاب=ولا زرق حزنـي علـى غالـي ولا فـج انحـره
كل الزهاب اللي معي ذكرى من اصحاب الزهـاب=واللي بقى لي من عذاب اشرس طريقي واخطـره
لأني تجنبت الغرق .. عديت من فـوق السحـاب=لأن اكثر اصحابي ورق .. ماشفت للطيـب اثمـره
والله ما حطيـت بيـن الحقـد و الخـوه حجـاب=حتى غدوا ربعي يحدّوني علـى الضيـق أشكـره
البارحه ثـارت علـي رقـاب و آوتنـي رقـاب=البارحـه يـا ثقـل دم البـارح ويــا محـقـره
اهب يا وجه الحسـد وشلـون جمعهـم وغـاب=كيف السنين اللـي عطتنـي .. بعثرتهـم بعثـره
أثر المصايب ما تجيـك إلا مـن النـاس القـراب=و بهالزمن حتى الخوي اللـي تثـق فيـه إحـذره
لا بارك الله فـي رفيـق ٍ تزعلـه كلمـة عتـاب=ولا جمّـع الله الرجـال اللـي تفرّقـهـم مــرَه
عوّدت نفسـي كـل مـا شـدّت لليمّـه ركـاب=ما اصد وجهي عن طريق إلا ليـا جبـت اخبـره
الصاحب اللي مايجي من صحبتـه غيـر العـذاب=نذر علي إن ماهجرني ولا انا اللـي بـا اهجـره
من يفتح لفرقاي باب افـك لـه عشريـن بـاب=و اذا خويـي مـا يقـدّر خوتـي مــا اقــدّره
أن روّحـوا فأنـا بـري منهـم ليـوم الحسـاب=وان جرّحوا قولوا لهـم ماحركـوا فـي اشعـره
شفهم لهم حول السنـه ولا خـذوا منـي جـواب=احسـن دوا للـي يحـاول يستفـزك.. تحـقـره
انا جمعـت اوراقهـم بكتـاب واغلقـت الكتـاب=يا وقـت لـم اللـي تلمـه وانثـر اللـي تنثـره
ماكنت احاتيهم صغيّـر .. عـاد احاتيهـم شبـاب=امـا ذخرنـي صاحبـي لليـوم الاسـود مذخـره
عقب اكتئاب البارحه ماعـاد انـا حمـل اكتئـاب=الطيب جرجرنـي وانـا مانـي بناقـص جرجـره
اللي يخاف من الظما يتـرك لنـا طـرد السـراب=واللي ماهو بقـد الظـلام ووحشتـه لا يسهـره
انا تجرعـت الظمـا ليـن احتـرق وجهـي وذاب=انـا كسـرت بخاطـري قبـل الصداقـه تكسـره
انا خسرت اللي غيابه غيـر عـن كـل الغيـاب=انـا غفـرت لعالـم ٍ مـا تستـحـق المغـفـره
انا اكثر انسان تعلم من كثر مـا اخطـا وصـاب=انـا آخـر لسـان يتكلـم فـي زمـان الثرثـره
انا القصيد اللي نـزع مـن دفتـره مليـون نـاب=وانا الوحيد اللـي جمـع مليـون نـاب بدفتـره
جفني وجرّحه السهر .. حيلي و هدّتـه الصعـاب=دمعي هدر .. ضحكي ندر .. عمري و ضيّعت اكثره
شّيبت بعقول العرب .. هيبـت روسٍ مـا تهـاب=جمهرت ناس ٍ عمرهـم مـا يعرفـون الجمهـره
ما صـرت ذيـب إلا لأن اللـي حولينـي ذيـاب=مـا كنـت اغيـب إلا لأن العفـو عنـد المقـدره
ترى حلاتـك لا حملـت لصاحبـك كلمـة عتـاب=ان ما نطقـت بهـا بوجهـه مـا تذمـه بظهـره
في هالزمن ما يملي عيون الحسـود إلا التـراب=ولا الحظيظ .. الطلقه اللـي مـا تصيبـه تذعـره
ودك اليامن جاتك الغلطـه مـن النـاس القـراب=الصاحب اللي مـا كسبـت محبتـه .. ماتخسـره