قبيلة بني رشيد - (((نصيحةً لك يابن الاجواد تذكير)))

السلام عليكم ورحمة الله وبركاته
اخواني واخواتي اعضاء هذا المنتدى
قال رسول الله صلى الله عليه وسلم ((الدين النصيحة))
قالوا لمن يا رسول الله قال
((لله ولكتابه ولرسوله ولأئمة المسلمين وعامتهم))
هذه قصيده : نصيحة الرجو ثوابها من الله .

بديت بسم الله منشي سحابه=خالق جميع الناس والجن والطير
المعتلي بالحق نزل كتابه=على نبي الخير يالي تبي الخير
انصت وحسب العرف خوذالأجابه=هديه احلى من حليب اللأباكير
تشمل شيوخ القوم وتشمل شبابه=نصيحةً لك يابن الأجواد تذكير
أول عمود الدين جود أطنابه=صل الفروض الخمس من دون تقصير
ودفع زكاة المال قيمة أنصابه=أجرك يزود ليا دفعت الدنانير
وصوم رمضان وعند ربك ثوابه=وللبيت حج الياستطعته بتيسير
وللوالدين بكل لطف مهابه=يخفض لهم جناح ذلً وتصغير
قدامهم حذرا يكشر بنابه=هم الذي ربوه يوم أنه صغير
امه بوسط الديد تنقل شرابه=سنه براس الثدي مثل المسامير
قبله بوسط البطن حضرة جنابه=متربعً تسعة أشهورً بتقدير
وابوه يتعب لين وفر زهابه=ماهد حيله غير كثر المشاوير
واجرك عظيم اليا وصلت القرابه=لو قطعوا وصلك وصدوا مناكير
والجار حق الجار ستر ولبابه=رفع مقام الجار حشمه وتوقير
نبينا بالجار وصى الصحابه=ذكر حقوقه بالليالي المدابير
والضيف ليناخت بابك أركابه=قدم له الميسور و حلو التعابير
وخل النميمه وهرجةً في غيابه=لاتصير بلحم أخيك مثلا لمناشير
احفظ السانك عن خطاه وصوابه=عن كلمةًتهوي بك بغبت البير
الكذب عيب يعيب الي حكابه=ينقص مقامه كان بالهرج تزوير
والبيت عوره وستر بيتك حجابه=لاتفشي السرارك على نايد الغير
واشر لا تشفق على فتح بابه=يا سهل فتح الباب ويصعب تسكير
ابعدعن أهل الشر وأهل العصابه=لاترافق الي للمشاكل مداوير
والخاتمه نطلب من الله ثوابه=في ماقفً ماتفيد فيه المعاذير
نرجوه من رحماه ونخشى عذابه=الياوقفنا قدم بابه طوابير
فريق بالجنه ويسيرً حسابه=وفريق يلقى وسط حفرة زمهرير