يالعميل اللي تعرف العلم بالله قلي = وش علاج اللي سواتك علته معروفه
رجل لامنك عطيته صار سيف يسلي = ورجل لامنك عطيته شفت منه ردوفه

ول بالصاحب اللي كل ماقلت ياللي= جاء حريره بيديه وخالطن فيه صوفه
تالي الوقت لو قال الزمن مسفهلي=بعدالاشراف روح مالحقته الحسوفه

اخص ياخوت هل الدينار واهل الملي = ياعميلي لاتناطحنا تلوفك لوفه
والله اني بالحميه كنت اجيلك كلي = مبعد المنقود عني بعدكم للكوفه

صاحبك مايضيع ولو يموه يدلي=من جمعهم عسى الله مايخلف معروفه
رزهم بالمجاس فوق مركى وزلي=لين قامت تناهش جسمنا من كتوفه

وين عقلك ياخوين للدروب يدلي = كل ما حثيتها للدرب قال الطوفه
مابقي قدمك سوا البارود والعصملي = واجه الفرسان ولا موت في هالخوفه

انت لا تقصر خطاك ولاتزيد الغلي=قل مشينا والخطى من بيننا منصوفه
والله انا من طناختنا اليا من حلي=للوغاء يومن تشوف عيونهم مخطوفه

منت راعي معركه راع خل وخلي = تبتسم للناس وتعلك بعلكت نوفه
عز ياوقت مظي ليته علي يطلي = واذبحك مثل الخروف اللي نصوه ضيوفه

شوفة الخلان تسوى مقابلك وتسلي=يوم شوفك يزعج الخافق ويقلق جوفه
وانت لاشفت الك ذيب ن بالحلال مفلي=صد لاتزعجه وينزع روحك الملقوفه