تذكر هذيك اللي لهـا عـروق قلبيـن
الـلـي دفـاهـا مـرتـبـط بحـتـراقـي
اللي تجي قبل اسأل اطيوفها ويـن
دايـم تحـاتـي لوعـتـي واشتيـاقـي
[البارحه ] في صمت غابت عن العيـن
راحـت وخلـت جـرح الايــام بـاقـي
فارقتها فرقا ماهـي بـس يوميـن
[ فرقـا عمـر مـاعـاد فيـهـا تـلاقـي ]
مـانـي بشـايـل همـهـا الا بثنـتـيـن
الـكــل مـنـهـن مــــر يالله تــاقــي
خايف على فرقاي ماتصبـر سنيـن
والخوف الاكبر كان عادي افراقي
هقيـت بـأيـام العـمـر خـيـر بعـديـن
اكذب عليك ان قلت ماكنـت هاقـي
في درب جاني منين او جيته منيـن
مشـيـت لكـنـه ثـنـا البـعـد سـاقــي
ماعاد انـا فاهـم ولاشـي هالحيـن
بـس فاهـم انـي للمتاهـات راقــي
راقي لا والله نازل وخاطـري شيـن
الله يـهــدي روعـتــي واخـتـنـاقـي
لـو نفتـرض القـا مثـل زينـهـا زيــن
بنـت اتحـدا فـي سهرهـا اعنـاقـي
المشكـلـه الـقـا مـثـل قلبـهـا ويـــن
صدقنـي راح امـوت مانـي بـلاقـي
http://fantasyflash.ru/grafic/line/image/line67.gif
المكان
الـمـكـان الـلــي لـنــا عــــاده لــنــا
مـاتـغـيّــر لـلـمـكــان ولا الــزمـــان
بـس غبـت وجبـت مــن غـبـت العـنـا
وصرت اسولف للمكان شلون كان ؟
اتـنــزح مــــن هــنــا لـيـمــا هــنــا
ليـن انـا ماضقـت وضيّـقـت المـكـان
صـرت احـس انــي انــا مـانـي انــا
طبعـي القاسـي نـسـى نفـسـه ولان
مـن عــذر لــو قلـبـي الصـلـب انثـنـا
فاقد(ن) لي شخص غالي من زمان
انـت تــدري عـنـك انــا مـالـي غـنـا
بــس مــدري لـيـه تبـخـل بالـحـنـان
ويـــن اولـــي كـــل مالـيـلـي دنــــا
وقمت اهوجس ليه خلاني وخان .؟
اتــذكــر كــيــف نـجــلــس كـلــنــا
مـع بعـض والضيـق ماجـانـا وبــان
كــان موعـدنـا ثـمــان مـــع الـهـنـا
وكنـت انـا دايـم اجـي قـبـل الثـمـان
صـاحـبـي مـاقــول غـيــر الله لــنــا
لاغـــدى مـالــك ولا الـدنـيـا آمـــان
عسى الله يخليني ان خليتك شتات
اببعـد والطريـق اللـي يـودي ياعسـاه يجيـب
بـدالـي واحــدن تلـقـا مـعـاه الـلــي تمنـيـتـه
مدامك شايف الفرقا امل خيره وراي مصيب
انـا حاضـر عـلـى امــرك وامــرك ماتعديـتـه
انا الغلطان واستاهل جفـاك ومنـك التجنيـب
علـى فكـره تـرى ماهمنـي بعـدك وتشتيتـه
كثر ماهمنـي شخصـن بدايـة بعـده التعذيـب
قسـم بالله مامثلـه عـرفـت انـسـان خاويـتـه
حسافه يالبعيد اللي من يديني زمـان قريـب
تـرك دنيـاه مـن اجلـي لـجـل دنـيـاك خليـتـه
هذاك اللي خلق ربي حياتـه كلهـا مـن طيـب
تضيـق بعينـي الدنيـا واشـوف الخيـر لاجيتـه
تخـيّـل مــن تعرفـنـا ولامــره لحقـتـه عـيــب
ذكرنـي والمصيبـه ياكثـر مـا انـا تناسيـتـه
كبيـر الفـرق مابينـك وبينـه ولسـؤال مجيـب
اذا ردت علـى فعلـك وصيتـه وفعـلـه وصيـتـه
علي لاضاقت الدنيا وجيتك عن عيوني تغيب
وهذاك ان ضاقت الدنيا وجيتـه فاتحـن بيتـه
كلامه .. فلة حجاجه .. سلامه لابدا الترحيـب
كبير بكـل حالاتـه .. انـا وشلـون جافيتـه !!!
عطانـي كـل مـا اطلـب بـلا منـه بـلا ترتـيـب
علـى اقصـاه يمكـن الـف مـره بـس حديـتـه
اذا الله قــدر ورده مـثـل اول وصــار قـريـب
عسى ربي يخليني شتات انكـان خليتـه !!!!!
عيد ميلاد
قالـت ابعـادك اصـعـب ابـعـاد للحـيـن
صـبـرت عـنـك والصـبـر عـنـك مـافـاد
الـبــارح كـمـلـت واحــــد وعـشـريــن
كنـت انتظـر مـنـك تـجـي دون ميـعـاد
سكت .. وقلت من القهر خاطري شين
في داخلي ثـارت مـن الصدمـة اجـواد
الحـب ويـن .. وفـرحـة اعيـادنـا ويــن
الـوقـت مـاخـلا لـنـا حــب .. واعـيــاد
تــدريــن .. لا والله مــاظـــن
تــدريـــن
افراقـنـا اهــون مــن مـفــارق ابـــلاد
ابعاد .. حنا عـن بعـض صـح شهريـن
لكـن تـرى بُعـد العـرب اصعـب ابـعـاد
لبنـان تمشـي فــي اتـجـاه لفلسطـيـن
وحنـا نـذبـح بعضـنـا .. وســط بـغـداد
حتى الجهاد .. اللي موصـي بـه الديـن
مـاعـاد نفـهـم لـلاسـف كلـمـة جـهـاد
هـــذا جــهــاده .. قـنـبـلـة للمـصـلـيـن
وهـذا جـهـاده .. مـدرسـه كلـهـا اولاد
تبكي القلوب .. ولا بكـت دمعـة العيـن
لاهيـن بالدنـيـا .. بحـفـل عـيـد مـيـلاد
ورد .. وسهـر .. واشـواق شلـة محبيـن
ضحكة فرح ميـت علـى الوجـه تنقـاد
في ذمتك .. ابعادنا اصعـب الحيـن ؟؟
والا العرب ابعادهم .. اصعب ابعاد ؟؟
http://bani-3abs.org/uup//uploads/im...1c84b6f4e2.jpg
دمتم بحفظ الرحمن
الاماكن
http://dl8.glitter-graphics.net/pub/...ew4e490wqd.gif
