قبيلة بني رشيد

قبيلة بني رشيد (http://ban3abs.com/aa/index.php)
-   منتدى الشـــعــــر (http://ban3abs.com/aa/forumdisplay.php?f=57)
-   -   ][..على طـاري القدر والحشيمة ..][ (http://ban3abs.com/aa/showthread.php?t=77529)

سالم الرشيدي 11-03-2010 01:57 PM

][..على طـاري القدر والحشيمة ..][
 
,






إلا علـى طـاري القـدر والحشيمـه
أبسألـك : ويـنـه وداد المحبـيـن?
ويـن الوفـا بيـن النديـم ونديمـه؟
وين المعزّه يـا خلـيّ المضاميـن ؟
وإلا الغلا فـي مبـدأك صـار غيمـه
تمـر فـوق إثنيـن وتـودّع إثنيـن
كـان لغـلاك بداخلـي ألـف قيمـه
وكنت بعيوني كنـز يسـوى ملاييـن
زرعت طيبـي والغـلا كـان ديمـه
ترويك لين أصبحـت تملـك بساتيـن
بستان حب وشـوق بستـان شيمـه
بستان طيبه عطف لكن على ميـن ؟
رفس النِّعَـم لـه العواقـب وخيمـه
شف وين كنت وشوف رايح على وين
ماألـوم قلبـك لـو عروقـه سقيمـه
مريـض غـدر وعلّتـه بالشراييـن
الحـب يصلـح للنفـوس الكريـمـه
وإلا الردي يصلـح بوسـط الردييـن
انـت إنتهيـت وعاهتـك مستديمـه
ماعاد ينفـع بـك عـلاج المداويـن
ماعاد لـك بالقلـب قـدر وحشيمـه
دامك مجنـب عـن دروب الوفييـن
بيت وبأقولـه فيـه حكمـه عظيمـه
أوّلْـه لــك وآخــره للعظيمـيـن
الكذب.. حكي أهل النفـوس اللئيمـه
والصـدق زينـه للرجـال العزيزيـن




للمبدع / ثـامـر سـلـمـان


http://m-alsahli.com/vb/images/smilies/098.gif

أسايرها تعاندني 11-03-2010 02:19 PM

الله يعطيك العافية ياسالم على هالقصيدة الجزله
وصح لسان شاعرها .. وسلمت يدك يالذيب

النمر1012 11-03-2010 02:28 PM

صح اللسان شاعرها وتسلم يمين ناقلها الله يعطيك عافيه يالريس وامير

سالم الرشيدي 11-03-2010 09:45 PM

مشكورين على حضـوركم ولاهنتم


الساعة الآن +4: 11:07 PM.

Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
هذا المنتدى يعمل على نسخة في بي بلص