بداية مبتداي أبدى بذكر الله عظيم الشان = رحيم(ن) يغفر الزلة على المسلم ويمحيها
أنا البارح جفى عيني لذيذ النوم يالصدقان = سبايب جادل(ن) عنقا عليها الروح نفديها
طويله حاليه حلوه عليها مبسم(ن) نعسان = وسيعت عين جعل الله من الحساد يحميها
غلاها سارق(ن) فكري وعقلي صاير(ن) حيران = جماعه كيف أخليها وقلبي حيل هاويها
أذا قالت أبي قصر(ن) كبير(ن) واسع الاركان = ننفذ طلبته طبعا ورغباته نلبيها
نهار السبت صادفته وأنا طالع من الدكان = لقيته حاير(ن) كنه على الهجران ناويها
نحرته قلت وشلونك وقلبي ياعرب شفقان = ورد وقال ماودك ملفاتك تطويها
جفتني سبت العاذل وباعتني بخس أثمان = تصدق هرج عدواني وقول الزور عاميها
ترى اللي فاز بالغالي أكيد أنه طلع ربحان = وأكيد أنه بعد سالي وأكيد أنه سمح فيها
وأنا من ضيقتي سارح مغير أضبط الالحان = ترى كله على شانه قسم بالله نغليها