انا ماني شاعر

انا ما قول اني شاعر ولا ماني شاعر=انا انسان وفيني احاسيس داخليه
وكل انسان يعبر عن ما فيه من مشاعر=في طريقته يوصف عواطف نفسيه
ذاك يكتب الحس على شكل خواطر=و ذاك رسام يرسمه في لوحه تشكيليه
و ذاك في تصوير العواطف بعد شاطر=مخرج ويخرجها في فصول تمثيليه
كل منا في صدره شعورن يخرجه قادر=تختلف طريقتنا والمشاعر هي هيه
و انا طول ليلي ما نمت اكثره ساهر=احاول من شعري ارسم لوحه فنيه
فيها يصير احساسي للخلايق ظاهر=واشاركهم فيها العواطف الي فييه
احاول اكون في صف القوافي ماهر=والوزن احاول اضبطه ميه الميه
لكن حتى لو كنت انا ماني شاعر=ابقى انسان وفيني مشاعر داخليه