قبيلة بني رشيد - اسمي نقش واسمي كتب في ماعتلى والوقت ثار والناس تنظر والعيون تروح وتعود ورى

السلام عليكم ورحمة الله وبركاته ...
لا اعلم ماذا ابتدئ به كلامي .. ولكن اكتفي بما نطقته وهمسته يدي الى الورق .. فلعله ينال قليلا من اعجابكم ..

جار المعادي يوم جار وجار ابن برقا وطار
واستلت الوقفات سيف العز والساري سرى
انا على نفس المسار وغيري بنفس المسار
والدم في حقن الابر يابن الرشيدي ماجرى
جانا على وضح النقا جيناه في وقت النهار
جيناه واللي مابغى تفكير له رد البرى
جانا بوجهه لمسة التفكير ولا الانبهار
واسقاه ابن برقا كلام وجرح ابن برقا برى
ماهو كلامن في الجرايد للمناصب يستثار
كلام فيه الطيب لاهل الطيب بالعز انبرى
عمار يادار الوفا والعز والطيبة عمار
والدار الاخرى في قشر والدار الاخرى في زرى
ماهو على كسر القدم ياصاحبي يجبر جبار
تجبره وقفاته وعينه مثل لمسات العرى
يمسك وماتلمس يدينه في دمار وله دمار
مني وانا اللي محتمي داري واجمل ذا الثرى
اسمي نقش واسمي كتب في ماعتلى والوقت ثار
والناس تنظر والعيون تروح وتعود ورى

* ملاحظة .. القصيدة موجهة للاخ العزيز والذي يعتبر سبب وجودي المشرف لي بينكم " محمد عيد عسكر العويمري الرشيدي "

محمد العتيبي ..