راكب اللي مـع السـواق رهـن الاشـاره
لـو يطول الـطريق بصاحـبه ينهقي به
جابه اللي يحط الـربـح دون الخـسـاره
احـدب كـنه اللي شـاف باالقاع ريـبه
لاهمزته برجـلك طـار مـثـل الـشراره
كـنه ان فـز بـه خـرعة غرير تصيبه
يوم تسمع قشيطه تـحسـب انـه بغـاره
وان عـوى ذيب لـيل جاذبه من مغـيبه
وان تواسى بوسط الدرب شـع بـنظـاره
وان تـحدر مـثل سيـل تـحدر شـعيبه
لاتياسر نسف كل الحفـر عـن يـسـاره
حـط خشمه عـلى ريـح الحدود القريبه
قل سلامي لبو مـاجد لـيـاجـيـت داره
حـي من يعـتـزي فـيها ومن تعتزيبه
جعل يفـداه منهـو باالردى شـب نـاره
مــايـوديـه فعـل الطيب 00 ولايجيبه
قـل له اني يبو ماجد وانـا بانـتظـاره
مر غـرو يـبو مـاجد عـيونـه مصيبه
شق ثوبه وبين ساق مثل الغضاره
شـق قـلبي وعـقـبه كل طاري يصيبه
التفت لي يبو ماجـد ونـزل خـمـاره
كـيف عيني تبيـه ورجلي تقـول سيـبه
كنت راعي غرام وساكت وحيل شـاره
وانت اذا مادحمت القوم شفـت الغـليـبه
آه ياهدم قلب الشاعر بـلا جـسـاره
فـرصـة له تلوح ولاتصير لـنصـيـبه
يوم نادوا عليها ينكسرت انـكـساره
طاح قلبي ورا اقصى ضلع وازريت اجيبه
في عيوني شرار ووسط قلبي مراره
والـمكـان امتلا عطر0 وانوثه0 وطيبه
يوم برد رجع متى يـرد الـزيـاره
كـان مـرك يـبـو ماجد تراني طـليبه
اطرق بين ضول الناس حسنه مناره
اعرفه00 يـذبـح العاشق وهو مادريبه