تساوت من على فوق الركايب = غزتني والشقا جيش وكتايب
أقول الحق والا ماأقوله =سكوتي مايبرد لي لهايب
عظيم الشوق مات من القطيعه = واعزي من يدورله سبايب
أنا شعري وفعلي ماكسرته =وأنا قد المهمه والنشايب
طويت البعد من همٍ جرالي = يسليني قصيدي لوشبايب
بصدري من قصيدٍ قد ملكته = تفرد من على فوق السحايب
مثل سيف الوليد بضيق أسله = أحارب فيه ودموعه سكايب
سويد الوجه ماطالت يدينه = مادامي من عريبين النسايب
حفظته عن دروبك يالمعادي = وقدمته لجزلين الوهايب
أقدر من يقدرني وأقدر = صديقٍ ينتخابه بالنوايب
صديقٍ مايملك لا تمله = وتركه من كبيرات المصايب
يموت الحاسد اللي ماتربى = وريحٍ ماتهزك يالجذايب
عزيز النفس ماتطيعه = شجاعٍ مايحب الا الصعايب
وشعرٍ مايعزك وش تبيبه = حياة العز خير من النهايب
أقدم منه جزلات القصايد = ليا هبت على صدري هبايب
قدرت أعوم في بحره لونًه =غزير.. أجيب لك منه الكسايب
أسطر من ذهب زين الحروفي = وأقول أني عن الشعار نايب
وهذا فضل من ربٍ عطاني = قراحٍ ماتغثربه شوايب