قبيلة بني رشيد - وخله سر في صدرك ولا تنبي عن كتابه

تنفس يالضحى وانشد عن البارح ومن سامرت
وخله سر في صدرك ولا تنبي عن كتابه

أنا البارح على صهوة جواد الذاكرة سافرت
ومريت المكان اللي هواجيسي من أسبابه

مكانٍ من ثمان سنين بالتحديد من هاجرت
وأنا عين الحنين تسامر كتابه وتقرابه

اعرف إني مشيت من الدفا للبرد واستأثرت
مسيري للجليد ولادفا مايسعد أحبابه

قسيت بحث رجلي للمسير وبالقدم خاطرت
رحلت بكل مافيني وبقا قلبي بجلبابه

بقا وأبا اعذره لوه عصى وأنا بعد كابرت
يقول الحب وأقول الكرامه قفلت بابه

يذكرني وينخاني يقول اشفيه لو صابرت
وأنا أقول الصبر مل ورحل واقفتبه ركابه

امد الشوف قدمي وان ذكرته للورى ناظرت
وسيل دمعتي وأحاول اخفي نظرة إعجابه

أنا سبت شقاي إني بقلبي فالهوى غامرت
وخسرته بس لايمكن اهد البيت وأطنابه

بقالي فالكرامه منزل وقصه بها جاهرت
قطعت لسان عاذل مالقا شي يتلهابه

وبقا وجهي عليه من الحيا رسمه بها فاخرت
اليامنه غسل وجه الحيا وش عاد نبغابه

وألا ياصبح لاتنشد عن البارح ومن سامرت
دخيلك نور الدنيا وخل الضيق وأسبابه
ماراق اللي من قصيد