يقول نايف عقب ماهزه الشوق = من ديرة الخوبه عساها الزوالي
القلب من فرقى المحبين محروق = حتى النظر غيب عنه كل غالي
لو مالوطن غالي وله عندي حقوق = اني ما افارق من ملك كل حالي
في غربتي شمس السعد مالها شروق = بانت بعيني حزن مثل الظلالي
اشكي وكني من غثاء الوقت مخنوق = والقلب في همه ولا هو بسالي
هاذي يابو متعب علومي بها شوق = الله يسهل لي دروب الوصالي

يقول ابومتعب على كل طاروق = حييت يامرسول وافي الخصالي
يلي من الخوبه تخيلك ابروق = برض الجنوب ولا انت حول الشمالي
تلعبك الافكار وتسج وتوق = ولا حولك الا نايفات الجبالي
لابد من نصرن من المعتلي فوق = وتعود يم ديار زين الدلالي
والصبر زين وكل مطرود ملحوق = مضرب مثل قالوه قبلي وتالي
والله يحفظك من هل الغدر والبوق = وتعود يانايف يا ملفى الرجالي