|
قصيدة رائعة للشاعر محمد بن فطيس المري ( الضيقة)
حبيت انقل لكم قصيدة رائعة للشاعر الكبير شاعر المليون// محمد بن فطيس المري اتمنى ان تحوز على اعجابكم ويمكن مرت عليكم. وهي من أفضل القصائد بنسبه الي أنا واعتبرها كشخص أفض فضلة كل ما.....؟ اترككم مع القصيده: .................................. الضيقة اللي دايمٍ تالي عصير .. .. وش حيلتي وأردها لا تجيني لا طال ظل العود حزة عشى الطير .. .. كنها على سجن الحديد تحديني يضيق صدري كل ما جات وأسير .. .. ولايخفف سوج رجلي حنيني لا حولنا مشراف ولا اقدر اطير .. .. يالله قسمة خير لا تبتليني وعقارب الساعة توقف عن السير .. .. ولا كن في الدوحة سواتي حزيني والعبره اللي تاصل الحلق وتحير .. .. يا قربها لو قيل لي يا عويني أمل شوف الناس ورد ومصادير .. .. واللي يقول اشفيك كنه يهجيني يعني على ما قيل من باب تصوير .. .. (لاحدٍ أبي قربه ولا أحدٍ يبيني) أروح أدور خط مابه دواوير .. .. وأدور اللي هادها تهتديني وآخذ مع الهاجوس سجة وتفكير .. .. وأراجع اللي فات بيني وبيني وأحسب ذنوبي وأدور التكفير .. .. عساي ما قصرت في والديني وعساي ما قارنت من ينفخ الكير .. .. واللي يحمل المسك جعله قريني ويطري علي يوم الحشر وأطلب مجير .. .. ما أعطى كتابي في شقيقة يميني ويطري علي صدقان كثر الدنانير .. .. اللي اتعاديني إلا كثر ديني وراعي الهروج اللي سوات المناشير .. .. أصد عنه وأدري انه يعنيني الله حسيبه يوم عرض القواوير .. .. والله حسبي من صواب مكيني وإلا طرالي واحد كانه اصغير .. .. أم أصغر بيومين ولا سنيني دريت وش قومي وعينت تفسير .. .. للضيقة اللي من زمن تعتليني حبه بصدري سالفة سر في بير .. .. وكن الفواد يقول هذا زبيني أشفق على علمٍ يجي منه من غير .. .. لا يسمع اللي سولفوا به ونيني يا كثرهم غيرهم ولكن خبر خير .. .. ما غير شوفه في الوجود يهنيني رايي كذا يا عاشقين الغنادير .. .. ماله على وجه البسيطه وزيني العام أجيهم من حساب المسايير .. .. واليوم حال عداي وينه وويني خطاي تعليق الأمل في المدابير .. .. الين راح وشفت حقري بعيني صبرٍ جميل وخابر إنه مقادير .. .. والله على تخفيف حزني عويني ذي حالتي لين اتغبا الشمس واصير .. .. معطى سراحي عقب مانا سجيني واذا امتلى جوف الشجر بالعصافير .. .. طلبت من رب العباد يهديني يعتقني المذن عقب ضيقة عصير .. .. اللي على سجن الفراق اتحديني تحياتي لكم ’’’ ً |
..
.. طلبت من رب العباد يهديني ..يعتقني المذن عقب ضيقة عصير .. [/color][/size] كل الشكرع نقل الابيات الرائعه |
الشكر لله ثم لك على الحضور الجميل.
ولاهنت يالغالي . تحياتي ’’’ |
يعطيك العافيه على القصيده الروعه ...تقبل مروري,,
|
يعطيك العافيه على المرور الجميل ياريم ,
|
آأإبن فطيس شآأإعر كبير
قصيده جميله والأجمل نقلك يالغلآأإ |
إقتباس:
لاهنت يا الغالي على المرور الجميل والحضور الرائع . |
رووووووووووووووووووووووووووووووووعه
|
| الساعة الآن +4: 02:03 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
