قبيلة بني رشيد - طول عمري ما استمع من ضعيـف الـراي راي

قصيدة انقلها لكم قصيدة مع يو توب لشاعرها ان شاء الله تعجبكم

الرفيـق اللـي لا غبـت ما يحمـي قفـاي
اجل لا من صرت حاضر ماني في حاجته

احتمـي دوري ودور القبيلـه مـن وراي
جمـدوا هـرج الفراغـات يا هراجـتـه

كانها بمصامخ الـروس والا بـاي بـاي
خلـو الفلـم المدبلـج علـى دبلاجـتـه

طول عمري ما استمع من ضعيـف الـراي راي
ولا طمعت بديك خيبـر ولا دجاجتـه

العداوه شي عـادي تجينـي مـن اعـداي
من نسج نسج العـداوه عرفـت انساجتـه

وان كلاني مخلبن من مخاليـب اصدقـاي
قلت ضاعت صيده في طـرف عجاجتـه

وان ثناهـا مـرتن ثانيـه جعلـه افـداي
لا فسـق كلـب الخواجـه كـلا خواجتـه

الارض ما هي ملك ابي والسما ما هو سماي
مير الاعوج لا اعترضلي عدلت اعواجتـه

افـرده والمسه مطرقينن مـن عصـاي
وادبـه تـأديـب طـفـلن على دراجـتـه

لين ينسى عناد راسـه ويذكـر مستـواي
ينتبـه والا يسوهـج علـى سوهاجـتـه

في نظره الناس مالون واهـو هـاي هـاي
والمـدوج ما بعـد فـاق مـن دواجـتـه

ابك انا لو اشرب البحر ما يقطـع ظمـاي
وانت مثل الضب يزحف تحـت عجاجتـه

http://www.youtube.com/watch?v=RQ_M4...eature=related