قبيلة بني رشيد - لاتقول ذكرى الحبيب بحجـة اقناعـي..وش تنفعك ذكريـات ٍ راح ماضيهـا؟!

يا امرؤ القيـس والله مالهـا داعـي

وشو له توقف على الاطـلال تبكيهـا؟!

لاتقول ذكرى الحبيب بحجـة اقناعـي
وش تنفعك ذكريـات ٍ راح ماضيهـا؟!

من صد عني حرام ان جيت له ساعي
دام المحاني تقـوم وجرحهـا فيهـا..!!

القلب غبة بحـر والفضـل لشراعـي
مايلتفـت للحـدود اللـي يعديـهـا

بالمركب اللي صنعتهـ بـس لأبداعـي
قبطان .. من وين مـا ودي اوديهـا

ويامرؤ القيس كان السـر باوجاعـي
بعض السوالف تموت بفـم راعيهـا

الفكر عزفي ونبض القلـب ايقاعـي
والشعر ونسة عمر والنـاس ترويهـا

وان كان صدت كذا عن روض مرباعي
لاتحلم اني اجيـب العـذر وارضيهـا

والله لو ان الجفا يلوي لـي ذراعـي
لأقطع ذراعـي لهـا وألويـه بيديهـا

اهل النفوس العزيزه عشقهـا واعـي
ماتنحنـي للغـرام اللـي يوطيـهـا..!!!

وياامرؤ القيس .. ماتخفـاك الأفاعـي
تموت والسـم باقـي فـي علابيهـا

لابارك الله بعـذر ٍ جـرح اسماعـي
ولابارك الله بمن هو جـاب طاريهـا..!!