ممكن طلب..لا تردوني..
 

الله لا يهينكم
ابي قصيده لزعيم مساعد الرشيدي
يقولون انه اقام الامسيه بحاايل.. تحت شرف
نادي الطائي
وانا مو متاكد..
انا مو عارفه الا شطر من القصيده
((واعداد ماطاب الرشيدي في خويه))
تكفون الي يعرفه لايبخل علي به
لي فتره وانا ادور عليها

هلا بك أختي ..
ما عندي فكره عن القصيدة
لكن إن شاء الله باقي الاخوان
يفيدونك ..
و دمتِ بخير .

سم


ياحفيــد معزي الدار وسميـــــــه
ياعضيد سعود ياوافي الخصايـل
لك مقــام ولك سـلام ولك تحيـه
عــد ماعــدوا عن جدودك فعــايل
وعــد ماحنت وغنت راعبيـــــــه
وعــد ماقالت هلا للضيف حـــايل
وعـد ماطاب الرشيدي في خويــه
وعــد ماسال القهــد واروى الثمايل
من هواجــس شاعــر نفســه رضيــه
شاف ماله عن رضــى حايل بدايــل
شاعــر ياميــر جابتــه الحميــــــــه
وحدتــه تكفي على بدع المثــــايل
وفزله نبض العروق الحــــــاتميه
ونومسوه بفوزهم شهب الفنايــل
عـــاد نادي طــي بعزوم قويـــه
في مكانه دايم بين الأوايـــــــــل
خلــــو الطائي يغني ســـامريه
بنت عـــز نقضت شقــــر الجدايــــل
وليلة أعيـــاده تجمعنا ســـويه
مـــع أوجيـــه الخير وعيال الحمايـــل
الخطـــــــــــــــــاوي عـــــــــز والنيــــــــه مطيــــــــــه
والرجـــــــــــــــال مجربــــــه والشــــــــــــك زايــــــــل
ياحفيــد معزي الدار وسميـــــه
يابن عـــم سعــــــــــــود يازيزوم حايـــــــل

مشكوووووووووره اختي حنان..ماتقصرين
(((المر العذب...ضاع الكلام مني مدري وشلون اشكرك
الله يعطيك العافيه ويسلم عمرك..والله لي مده طوووووووووويله وانا ادوره. صح لسان قايلها وسلم الله ال نقله..مشكوووووووووووووووووور...ابسوي عيد..هههههه
متحديه الا اجيبها مشكوووور )))

صح لسان الزعيم . ولاهنت على لنقل وتلبيه طلب لاخت .

ودمت جميعآ بصحه وعافيه ...

قصيده روووعه ... وتساهل من طلب هذه القصيده ..
وتسلم مشرفنا الغالي على التلبية المطلوب ..

عد ما طاب الرشيدي في خويه
عد ماسال القهد وأروى الثمايل

قصيدة رائعة

مشكور أخوي المر العذب

المر االعذب ووفى وكفى بس القصيده لو تكون موضوع جديد افضل
ويتم حذف هذا الموضوع ويكون عنوانها عد ماطاب الرشيدي في خويه

وججه نظر لحد يفهم خطا