قبيلة بني رشيد - قالت ياليت اللي مضى بيننـا دام

جابتني الصدفة بعد ماكمل عـام
على فراق أهل القلـوب الشقايـا
صدفه بـلا ميعـاد دارن الايـام
وجيت الذي سوى بقلبي سوايـا
قلت السلام ولي قصر مشي الاقدام
قالت علي قلت أيـه رد التحايـا
قالت هلا يامرحبا يابـن الاكـرام
قلت البقى يابنت زيـن السجايـا
قالت أعرفك لو من الوقت منظـام
ماتلتفت لاقفيـت خلـف المطايـا
قلت أسمعي واللي بالاسرار علام
ماطرد خلاف اللي إظعونه نحايـا
لكن تصاريـف المقادير(يـا***)
صدفه وساقتنـي عليـك المنايـا
لاتلومني ياكامل الوصف مانـلام
لك منزله قبـل السنـه بالحنايـا
قالت ياليت اللي مضى بيننـا دام
لكن مثل ماتشوف معنـا رعايـا
واليوم لاترجي لنا لـو بالاحـلام
خل الجروح اللـي دمايـا دمايـا
قلت أبشري قلبي على البعد عزام
لكن عندي قبل لامشـي وصايـا
وصيتي حطي على صدرك وسـام
وسـام فرقـاء يامليـح الحلايـا
أنسى المحبه وعزف أوتارالانغـام
حبي لايبقـا لـه بقلبـك بقايـا
أكتب على حبي صدرحكم الاعدام
بثنين خمسه في سجل الضحايـا
وقفيت وقفى اللي له حروف بالام
وبان الحزن لو أبتسم بالشفايـا
بينت ماخفيت في كتـب الاقـلام
مع خشف بدون ماسكنو بالقرايـا

علي سعود