قبيلة بني رشيد - اتعبني الحلم لين الواقع انكرني

اتعبني الحلم لين الواقع انكرني
كني مسكت الفرج بيدي ...وهديته

مافيه داعي على فرقاك تجبرني
حتى الجفا منك ولعني وحبيته

الجرح عدى زمانه..لاتذكرني
هذاك وقت تعذرته وجافيتــــــه

لو شفت دمع القصايد كان تعذرني
تصور ان الشعر يضحك وبكيته

ماغيروني ياكود الله يغيــــرنـــــي
كم واحد عنك يبعدني ورديته

وفيت وادري وفايه ما يصغرني
صوبت يم الهــــدف لكن اخطيته

من طار سرب الغلا..والشوق طيرني
كن ماعلى الارض واحد ماتعديته

خذني على صدرك الادافي..وسيرني
بعض الولــع ياخذ الرجال عن بيته

ابنشغل في عيونك..لاتدورنـــــــــــــي
ودي بشي اشوفه..مابعد جيته

خليت قلبي معك والله يصبــرنــــي
مبطي وانا اقول قلبي وين خليته

نسيت اعلمك طيفك جا يسهرني
بس انت ماشفتني شلون ضميته

اشتقتلك ..مابغيتك عاد تشكرني
تغيب والشوق عمري ماتباطيته

العام يوم الوعد تسبق وتنطرني
مستغرب شلون هالموعد تناسيته

وين انت رايح ولاكنك معبرني
ماكني اللي على العالم تمنيته

لاصار هذي علومك..راح تخسرني
ماعمر احد راح من كيفه وناديته

عند الكرامه ابيعك وانت خابـــرني
الله وكيلك ترى كل شي مريته

كانه هجـــر بالسلامه.روح..واهجرني
اخــوي لاصد عنـــي ماترجيته

وسلامتكم