قبيلة بني رشيد - البعـــــــــــــــــد .. والفراق ...

9999bani-3abs

655bani-3abs

الله وكبر وش تشـوي الليالـي
والله وكبـر والليالـي طويـلـه
وسط الحفر مشتاق واشوق غالي
شوقن يحط القلب مادري يشيلـه
يشوقني شوقـن يمـر بخيالـي
وبرقن على الحره عيوني تخيلـه
فوق الهضاب وفوق سمر الجبالي
ديار عبـس وموطنـن للقبيلـه
سلام منـي كـل ماسـج بالـي
تسليمتن مـع كـل ليلـه وليلـه
للديرة اللـي حبهـا سـم حالـي
يجري مجـاري الـدم وعزتيلـه
احبهـا حـب اللبـو للعيـالـي
والا كما حـب الخليـل للخليلـه
بوصفها بنـت كساهـا الجمالـي
تضيع بيـن عيونهـا والجديلـه
وبحبهـا قبلـي يغنـي الهلالـي
وعنتر كتب فيها بيوتـن جزيلـه
ابعـد ولكـن حبهـا مايـزالـي
حب علي الحـرم ماحـد يزيلـه
وسط الحفر مشتاق والشوق غالي
شوقن يحط القلب مادري يشيلـه