يمر يوم وكل يوم يمر أحس أني حزين=أمسي على ضيقة صدر وأصبح على ضيقة صدر
قالوا الفرج عقب الصبر قلت الصبر هم ٍ دفين=قالوا الوفي طبعه وفي قلت الزمن كلة غدر
قالوا الصدف قلت الصدف ما عشمت طول السنين=قالوا القدر قلت القدر من اللي يردك يا قدر
قالوا الأمل قلت الأمل مثل السراب اللي يبين=قلت للعهد وأنا على المطلاع وسط المنحدر
قالوا تشوفه قلت أشوفه في حلوم النايمين=أصحى على شوفه وأنا خدران وأصحى وأخدر
قالوا وش اللي تذكره إذا تناولك الحنين=قلت التنهاته إذا طروه الدمع يحدر
قالوا يخونك قلت أنا يا كرهني للخاينين=لو خاني ضاع الوفاء فالناس إلا ما ندر
قالوا نسيته قلت واللي له حنى المسلم جبين=ما نساه كود الناس تنسى الليل ومطلاع البدر
قالوا كم اللي راح من عمرك شقى قلت سنتين=عامين وأنا أغرب الخطوات والقلب يحدر
قالوا الكدر ويش الكدر قلت الكدر مثل السجين=إن عاش في سجنه كدر وإذا طلع عاش الكدر
قالوا سواتك وش يسوي قلت بين الحالتين= أما توفى من غبن ولا قضى عمره هــدر

اقتباس من مشاركة كبرياء امراة (المشاركة 1475958) يسعدني,,ان اكون اول المتصفحين,,لموضوعكــ,, قصيدة,,جميله,,من معااانيهاا وكلماااتهااا,, بنتظاااارجديدكــ,, تقبلـــ حبي وودي