الليله الليله الشعار تحت الجناح=تحت جناح الشبحه واسم الشبح طايره
ياللي تشوف الشبح راسسك وقصف السلاح=ياكثر ناسٍ تصير بداخل الدايره

ياكبتن الطايره ماكل شيء مباح = عينك على الضابط ونفذ له اوامره
انا الردار اكتشفتك قبل ضوح الصباح = الحشد ماهو ترى يالكبتن مناوره

عساك مقدام قوم ولا تهاب الرماح= بيامك الهاديه وايامك الجايره
تباشروا في سهيل وبارق الوسم لاح= يعني تهل السماء وتجيكم العايره

استدخل العلم كبتنا مابين الوشـــــــاح= وانا على العــلم الاول ماني مســايره
عينك تشوف البروق ولاتطيب الجراح= أرجــع عن العلم الاول مابه مخايره

وشهي عذوق النخل من دون طرق الرياح= ليه العصافير بعذوق النخل حايره
جاوب على شان تقدر ترتقي للنجاح=يمكن عن ايام تصبح قنبله ثايره

قوم أبرح الدرب يالكبتن بالارض البراح= الناس تبغى الثمر وانت النخل دايره
الذيــــب لامن عدى مايلـــتفت للـــــنباح=والصايره صايره وانت أنشد الصايره

انت اوقد النار وانا انشد عن القدر فاح=انشدك وارجع واشوف الدله الفايره
اقشر مطاح العريب ابن العرب كان طاح= لا تضيرون الخفوت اللي ماهي ضايره

لاوالله الا المعاني مثل سم(ن) ذحاح=الملعبه ماهي عرفك صارت مغايره
ماجيها يالمحلق بالزهاب الشحـــا ح =انا أحتميها وعينك دمعةَ حــــــــايره

بااخيرك في كلام الجد والا المزاح= الجد لا تأمن الكهرب ولا وايره
والمزح من حزن حالك نايح الورق ناح= في صوتها الحزن ولو شفتها طايره

لاوالله الا أنكشف للعين عقب الضحاح= مخزنك كله قضى ماتاجد الثايره
العلم وثق ولابه مقــــترح وأقـــــتراح = مابه تهرب وضعتك داخل الدايره

القدس مايسرها ياغير شوفت صلاح=لا يغرك الرافضي نجاد ووزايره
بس الختام انتبه لا يفوت فرض الصباح= عزي لمن يجهل السيره من يسايره