قبيلة بني رشيد - راضي الرشيدي و رجاء الله الحربي

راضي
هلا يا مرحبا في حفل ربعي وأبرك الحزات = على فراش الكرامة والرجال إلها مكارمها
تباطينا رجاء الله علمنا به في زمانٍ فات = يقولون المدينة بالشتاء والصيف موسمها
رجاء الله
عساكم للبقاء ياهل الفخر والجود والعادات = وقومٍ ما تغير سلمها ربي يسلمها
رجاء الله جاك طرقي يوم قمت تولع اللمبات = وخلق الله تجي وتروح مثله في لوازمها
راضي :
رفيقك يارجاء الله عام الأول حي ولا مات = أشوفك تالي الأيام مع نجد وخرايمها
صحيح أولع اللمبات وانت تشوفها بالذات = لا ولعتها ماودي الضلعان تصدمها

رجاء الله

رفيقي حي والنيران حيه وأخفظ الأصوات = ترانا لو نحرك روسكم طارت عمايمها
وألا ياليت راضي يدفع السيات بالحسنات = أنا ودي يموت وطيب أعماله خواتمها
راضي :
أحاديث النبي قالت لك الأعمال بالنيات = ترانا مانخاف نجيك بالبندق ومحزمها
لو انه طال عمرك مقتفينا هادم اللذات = وأنا ماني محلل لقمة ربي محرمها

رجاء الله :
يابو راس وخشم وش يحتمل راسك من الصكات = ترى الساعة قريبة مير دوبك لا تقومها
ذلولك يالعماني مثل ماراحت بخرجك جات = ولا كن البلاء مقطوع واحد من براطمها

راضي :
ليامنه نزل عيسى بن مريم ترفع الرايات = ورجلك لا توخرها شوي ولا تقدمها
أنا عارف رجاء الله مايغير عادته هيهات = يدربيه اليصيب ونعمة الله مايكرمها