عذابٍ دعاني .. وأنتهض جرحي المعطوب = ولبا جزيل القاف .. يومه قضى صبره
عليك الله أكبر .. ياعذابٍ غدى مصحوب = تباطيته وشميت أنا .. ريحه وعطره
غدربي قدومه .. وأنتشى ليلي المنكوب = وهليتبه .. والدمع يبلي ثرى قبره
طوتني الهجوس .. ومَيّلَتها على المسحوب = وقرطعت فنجاله .. على زبده وتمره
ذكرته وسرهد بالحشا .. ذكره المشحوب = ذكرته وزان القلب .. مرباعه وذكره
ذكرت الذي قفى .. وسكر معاه دروب = وليفٍ تصدد .. وأنتثر بالجفا حبره
تغثرب مشاريبه .. على شعري المكتوب = ويردف هجوسه .. من مواريده وسحره
يطقطق بأصابيعه .. على كاسه المسكوب = ويصفق يمينٍ .. بالجفا تصفق اليسره
تخاذل وخلاني .. بعد غيبته مصلوب = على راس مركوزاً .. علا وأتضح كبره
عليه الملام .. وشرهة العاشق المغصوب = وشعراً تباين للملاء .. طوله وقصره
وقلبٍ عسره الحظ .. والعالم المكذوب = وليلٍ نبا للعين .. وأزدانت المسره
زمانه مضى .. والنفس تصبر على المكتوب = وكلٍ يذوق .. امن الزمن حلوه وقشره
مبارك لفاك العلم .. عن جادلٍ رعبوب = وعطني علاجٍ .. يجلي الضيق والحسره
عشانه نظمت القاف .. يالصاحب المرغوب = دخيلك تسوق الرد .. من فكرك ونثره