حنا بني عبس يشهد مجد ماضينا
 

يادفتر الشعر وقف في قوافينا
سجل على صفحة التاريخ وأمجاده


عادتك يالشعر لاقمنا تحيينا
ومثلك لنا من حضوره صدق ميعاده


حنا بني عبس يشهد مجد ماضينا
بني رشيد الوفأ في فعلنا عاده


في حاضر الوقت تزهى الرايه ايدينا
والطيب بأفعالنا صدره وميراده


نارد حياض المنايا لاتعزوينا
لاقام شر الملاقى يقدح زناده


رفيقنا عنه مايوم(ن) تخلينا
أهم ماعندنا راحة وسعاده


ودخيلنا لازبنا عنه عدينا
عنه الخطر واهتنى في لذة رقاده


والجار ماكنه الامنا وفينا
لوكادنا الوقت جار البيت ماكاده


وِان ضافنا الضيف رحبنا وهلينا
له من كرم طيبنا مايسعد فواده


والاالعدو وأعذاب اللي يعادينا
يبشر بليل(ن) طويل(ن) يوجع سهاده


ولاقول ربي وحدنا بس معطينا
على جميع الحمايل نوف وزياده


لكن لنا مع هل المبدا مبادينا
خيل(ن)وجيش(ن)وفعل رجال وسياده


قسم(ن) لنا ماخذينه في يمانينا
حفيدنا به يعيد الفخر لاجداده


مجد(ن)جمعنا بفعله دنيآودينا
سلم(ن)وعلم(ن)وجود ودين وعباده


ولاجحد حقوق القبايل من حوالينا
بكل القبايل أسود رجال(ن) وساده


واليوم في نعمة الحاضر تساوينا
في ضل حكم الشيوخ اللي لنل قاده


وخيرة جيوش(ن)عن العدوان تحمينا
ودول عدل(ن)تصون الشعب وأفراده


نعمة اسلام وسلام(ن)به تسامينا
وصرنا بعصر الحضارة نصف رواده


الله بعزه يزيد بعز والينا
القايد اللي بحكمه عزنا قاده


وأخر كلامي على المختار صلينا
على نبي تبعنا بالهدا ارشاده



مسعود الرشيدي - المميز

صح لسان شاعر مسعود شعار من كبار الشعراء يعطيك العافية اخوي النمر على النقل هذي القصيدة الرايعة

صح السأنه مسعود الرشيدي
واعتلا شانه

جزله ووافيه

الله يسلمكم والعافيكم ومشكورين علي المروررررررررررررر

الله يسلمكم وعافيكم ومشكورين علي مرورررررررررررر