طعنة قريب تحط في خاطري لون وتشب في عوج الحنايا حريقه
 

قصيدة عسى أن تنال على إعجابكم وتستاهلون أكثر :




يالله بامرك يسهل الصعب ويهون
والسهل بامرك صعب مااقدر أطيقه



يالله منك المد والعفو والعون
يالله تفرج كل هم (ن) وضيقه



أصحابي اللي بالمواقيف يوفون
أهل النفوس الطيبـه والرقيقه



أصحابي اللي بالمواقيف يكفون
أرداهم اللي دوننا نشف ريقه



عز الله إني صوبهم حيـل مديون
وعجزت أحصل عن ديوني طريقه



يالله تجملني معاهم ويلقون
صدق المشاعر والوفاء والحقيقه



بس البلا اللي عنده السم مدفون
وسط العسل ويحب بوقة صديقه



طعنة قريب تحط في خاطري لون
وتشب في عوج الحنايا حريقه



البارحه ماهي بيعني ومضمون
البارحه شفت الحقيقه حقيقه





الشاعر / يوسف الأسود

شاعرنا / يوسف الاسود
صح لسااانك ...
قصيده رائعه ... من شاعر رائع
سجل اعجابي ....
وتقبل خالص الود والتقدير

صح الله لسانك يامبدع

سجل إعجابي بقوه

برق الوسم بيض الله وجهك

البارحه ماهي بيعني ومضمون
البارحه شفت الحقيقه حقيقه


يوسف ما اجملك شعرا وخلقا"

تحياتي لك

صح لسانك يسووف اعجبتني القصيده بقوه

يوسف الأسود

يالله تجملني معاهم ويلقون
صدق المشاعر والوفاء والحقيقه

انت وفي وبيض الله وجهك

وصح لسانك