قبيلة بني رشيد - أشــره ... قـصـيده تتحدثها عن نفسها للشاعر سعد المحيش

مــرأأأحـــب

اليوم جايبلكم قصيده في منتهى الروعه للمبدع الشاعر سعد المحيش بعنوان اشره واتمنى ان تنال الاعجاب

يــقــول ســعــد الــمــحــيـــش

أشره على الي له معزه وتقدير ,,, الي على طيبه وسلمه ودينه

رجال من بين الرجال المناعير ,,, حافظ رضا الله ورضا والدينه

في لازمه ما ياصلك منه تقصير ,,, لا عدو الطالات طالت يمينه

ربعه هل العادات روس المشاهير ,,, اهل المواقف والفعول الثمينه

من لابتن ما حسبوا للمخاسير ,,, يشهد لهم طول الزمان وسنينه

ولا الردي مهما تطول المشاوير ,,, عده مابين اهل الظفر طير زينه

حرام حتى فيه صبحت بالخير ,,, يا عنك ما يرفع شراع السفينه

تلقاه عند اهل الوجيه المسافير ,,, تطحن ضروسه مثل طحن المكينه

ينطر عشاهم لا لفوهم مساير ,,, يبا الجماله والعرب خابرينه

هذاك يجلس في خلاف الطوابير ,,, حد الله الرحمن بيني وبينه

الوقت علمني وانا توي صغير ,,, عرفت طبع الوقت زينه وشينه

ولو ماني بوقت السلف والمظاهير ,,, يومن كلن دون حلقه يدينه

وقتن ظهر به عنتر وسالم الزين ,,, واهل المواقف والفعول الثمينه

روس الرجال الي تفك المعاشير ,,, الموت في سوق الغلا مشترينه

واليوم غير ووقتنا والزمن غير ,,, وقت الحضاره والرخى والمدينه

الي ظهر به مجتمع خير يا طير ,,, والهاتف الي يتصل فالكبينه

ومحولين الجنس عوج المداغير ,,, الكل منهم لاهين مع خدينه

يسهر على تضبيط شكل الاظافير ,,, ويتعب على مكياجه وكحل عينه

مثل الخلوج الي ترزم على الضير ,,, يتكها حبلن عروقه متينه

انا اشهد ان الحر يفرق عن الجير ,,, والنفس عند الله ربي رهينه

وســلامــتـــكــم

للـشـاعـر : سـعـد الـمـحـيـش الـرشـيـدي