ياعقيد النجايب صاحبك قسّوره = كل ماساق زمله لنّت في دربها
ماسرح مرةً مداد فباعره = غير عرّض لها شاوي وفكربها
المجاهيم ماهي ياخلف مغّتره = وش بلا عينك الي ما تناظربها
ياخلف لون راس مليح وش تنّظره = لابليت العيون الي تبحربها
مابك امن العقايل يالنقيص شعره = ابك راع البويضا مايخاشربها
نادرة عوص الانضا كنها الجوهره = انت تفخر بها والليث يفخربها
واما انا زملي العقيل ماتنّكره = ولاتعرّض وراعيها الاسد دربها
ولّ لاعاد اخوو وضحا ولا فطّره = يوم مرت زواملنا وقصربها
وردوها حيام وراحت مصدّره = ماعدت في قراح ام القري شربها
تهترش وتواكل غيظ مستسّعره = بعد قب الهدير وزايلت قربها
شربت حيامها وابطونها مظمّره = واستكنت وجظّت من عنا كربها
وصكّت جنوبها بجنوبها محدّره = ماتقدم بعير ولا توخربها
كنها في يدين الشاكرين اعّشره = صفّت كفوفها تشكر ثنا ربها
هجهجت مع مغيب الشمس مستنّفره = والحتايف شماليها ومن غربها
كل ما حدها ضف الجبل تدّحره = لين عنها الحتيفه ينقلع سربها
العراقيب سالت والسبيل احّجره = طاوعت قلة مليحان وادهربها
ذبت الحزم والدمان متنثّره = كل ماحولت في قاع تثربها
لين بانت علي المشراف متكدّره = ليلها اوّحش وناب الخوف كشربها
واستدارت علي مليحان مستبّشره = كل مااسّتنّشقّ الغربي تعبربها
لين لاح البشير ودرهمت تنّحره = مدّلهم الخيال الي يبشربها
وول لاعاد اخووو وضحا ولافاطره = يوم مرت زوملنا وقصربها

اقتباس من مشاركة كــــاتــــب (المشاركة 1422455) قسورة الغاب الله الله على نادرة عوص النضا مبدع ودرر المفردات تمتلكها صح لسانك ولاهنت تحياتي

يكفيك من مليووون .واحد رشيدي = بالسم مشاريهه علاج المعاتب
ولا جور بك كيد الزمان العنيدي= اليا عصبت الراس في مثل كاتب

اقتباس من مشاركة برق الوسم (المشاركة 1425110) شاعرنا / قسوة الغاب صح لسانك بلاايين قصيده جميله وتحمل مفردات شعريه جميله كما ذكر شاعرنا كاتب لاهنت .. منتظرين جديدك تقبل مروري

برق الوسم
مرووورك بحد ذاته
هووو وسام علي صفحة اي قصيده
وكلمة صح اللسانك هي القنديل الي ينور القصيده
فيكيف بكلمة صــــح اللسانك بلايين
الله يسترمن الغروور بس
صح ابدانك اسعدني
جدا مروورك
ولاهنت