جينا ثلاثتنا مسايير وضيوف=أخوان لو كلً لفى من قبيله
والله لوما احد محلفني احلوف=ما واحد منا تزاهد حصيله
قلنا نسندها على نقرة الجوف=للدار حق ولـ أبلج الشعر ليله
سلام مني عد ما يمدح الشوف=بعيون خلٍ شاف ميلة خليله
أوعد من عدا على راس مشعوف=شاعر وقام الريح يطرق شليله
اوعد ماتضحك هنوف لنفنوف=ماتن علية منقضات الجديله
يازين ضمة نسمة الجوف بالجوف=لاوردت بالبال مثل الخميله
وجه الشمال مدلهة كل ملهوف=دار عربها كاسبين الجميله
دار لها في ذمة الوقت معروف=حتى على التاريخ ماهي بخيله
والدار داري وين ما الد واشوف=وانا بحب الدار راعي طويله
تبرق شمال وتلمع قلوب وسيوف=نبرق جنوب وكل عز نخيله
وتهب شرق ويشمخ العلم وينوف=وتهب غرب ويسرج العز خيله
جينا ولافينا مسايير وضيوف=للدار حق ولـــ أبلج الشعر ليله

تبرق شمال وتلمع قلوب وسيوف نبرق جنوب وكـل عـز نخيلـه وتهب شرق ويشمخ العلم وينوف وتهب غرب ويسرج العز خيلـه

ابوفيصل متألق قديماً وحديثاً
المر العذب
لك مني جزيل الشكر

صح لساااان الزعيم
ولا هنت يابيض الوجه على نقلك للقصيده
تقبل مروري وتقديري