سلامي سلام (ن) جامع الطيب بـ عذوقه=من الهاجس اللي بالسما تلمع بروقه
سرى اليل يالشعار والشعر طاروقه=عسى خير والدنيا كفى الله بلاويها

نادو على الشعار والطيب بـ الطيب =ياهل العلوم الطيبه والجزيله
بعض العرب يحتاج يـا الربع تعريب =والدرب مايمشيه غير الدليله

هلا مرحبا بك ياعميل الكرم والطيب = يا راع الوفا والمد انا أقول بك مايخيب
وأنا أقول لون الشيب لامن طلع موعيب = عسى خير والدنيا كفا الله بلاويها

سبحان منهو يعلم السروالغيب = الواحد المعبود منش المخيله
أنت العميل الي رقا بالمراقيب =وأنت العميل الي يحب الجـميله

الا يالاسد لاجيت كل الامور تزين=وحنا رجال (ن) مانشدنا عن المقفين
نجيب الكلام الزين مانحب قول الشين=عسى خير والدنيا كفى الله بلاويها

مادام ماتلحقك شكه ولا ريب=اطلع جبال طويق وترك مسيله
الزير كم ضحى لجل يرضي كليب=وكليب ما يسمع لغير الجليله

أنا جيت لك من بعد عاني يا أميرالقوم =ليا جبت علم اكيد تبغا تجيب اعلوم
أنا ضعت مدري منهو الي زعيم الروم =عسى خير والدنيا كفا الله بلاويها

ماعندنا شكه ولا به عذاريـــب = قدمك وشب النار وسط الفـتيله
الزير ابو ليلى عطيب المضاريب = وكليب ضحى بارؤس الطويله

اقول ابرك الايام يومن يجمعنا=نمتع جماهير الشعر من منابعنا
على الصفحه اللي من دخلها يطالعنا=عسى خير والدنيا كفى الله بلاويها

ذات الصواري مانتهت بالمشاعيب =ومايجرد التاجر يبين حصيله
خلك معي دام اوصلوك المناديب=وشعيل حمله لو تراكم يشيله

الا يا العميل أنت الك فـالمنتدى جمهور= وتعرف جماهيره لك الله وساع اصدور
وكانك بعدمثلي بهالمنتدى معذور=عسى خيرودنياكفاالله بلاويها

إن كان لـك مطلب وتبغا مــطاليب = تبشر بها هالحين في كل حيله
أنا معك وافي وعندي مشاعيب = يرحم عميلن ما يبور ابعــميله

ياكثر العيون اللي تباين على الساحه=ولكن قلوب الناس ماهي بمرتاحه
الايالنجوم المرقبه هاك مسباحه=عسى خير والدنيا كفى الله بلاويها

اماقعد راكان وسط السراديب= ولا وصل راكان تسمع صهيله
لله درك ياعديم المضاريب=شهادتن لله مافيك حيله

الا يا العميل الشاعر الي عطوك اشعار= و ناودي ابمثله ولكن بعد محتار
ارسل مراسيلي على عمدة الاخيار=عسى خير و الدنيا كفا الله بلاويها

راكان يشرب من عدود المشاريب = محدن بوقته قال له عزتيله
ماني عـديم الله يسامـحك يشعيب = ترى الكثيره بيـنه والـقليله

اذا هي بدت بالميل ربك يسويها =وانالا حشى لله ماني بناويها
يقول المثل مادام تمشي نمشيها=عسى خير والدنيا كفى الله بلاويها

في البيت البيض كل شين بترتيب=وبغداد تحكمها يدينن دخيله
ومادامها وصلت يدين الاشانيب=مايقصر العمده بشين يجيله

أنا كل ما طالع بعضويتك اشوف = أشوف إني الأقدم ولاني بعد ملقوف
و لا أدري بعد لوكان الك عندهم معروف =عسى خير و الدنيا كفا الله بلاويها

لا صار بتريـــب مـــامن مواجــيب = لكــن ترانا مــانــدور بـديله
من عادتي ماحب شذب العراقيب == الله يعز اهل الكرم والفضيله

الا يالاسد شمس الحيققه ابد ماتغيب =ومثلك يقدم طيب لا بد يلقى طيب
وانا لا بغيت الشئ ماهو على صعيب=عسى خير والدنيا كفى الله بلا ويها

ان قالها الله غير تصفى المشاريب=دام الاسد وده يغير مقيله
يامدورالثنتين كل المكاسيب =علمن يسر به الصديق انعني له

عسى فيك خير اوتعطي الحق للمضلوم=ومثلك يشوف الحق في هالزمن معدوم
على الله توكلنا ولانترك المقسوم = عسى خير و الدنيا كفا الله بلاويها

لا من بنيت البيت دق المناسيب = خله رفيع الشان عند القبيله
لا و اتقضب مالقيت المـقاضـيب = والبينه صارت لنا مستحيله