الله من قلبً سرت فيه الاوهام= قلبً على الذكرى تشيله سواري
قلبً لجابه بين الاضلاع سمام= يمسي ويصبح في حياة الخطاري
ودمعٍ تحلف ياعيوني فلا تنام= وضني عماها من سهرها محاري
وحالاً بقالي شوفها جلد وعظام= صدق كلامي قلت لك شخص زاري
لاني مريض ولا صدفنتني الآلآم= ولا قد جرالي بين الامراض جاري
كانك تقول البعد تبنيله اوهام= انا اقول البعد ماله مواري
اقدر اسافر لو ابي يوم واعوام = لاكني انظر حالتي بنحداري
وكانك تقول الحب تصدر له احكام = عز الله انه صادرٍ به قراري
خلي حكمني ما حكم حكم الاسلام= ولا لي بحكم المحب اعتذاري
اراوده وذكره صاف الايام= وقول له يا كيف تنسى جواري
ارحم ترفق لا تخليني انظام= جارك تقريبك داركم جنب داري