قبيلة بني رشيد - العين تشبح

تشبحالعين تشبح .. والآيادي قصيره
والشوق يذبح .. والجفيّا جنايه
والفكر يسبح .. فالآماني الغزيره
والشخص يربح .. لا غشته الهدايه
ياقلب لا تحزن عسى الأمر خيره
لا زلت ياقلبي بخط البدايه
إن القناعه للقلوب البصيره
وإن الطمع يعمي بصرها عمايه
ترى السحب وإن كان ماهي مطيره؟
يكفي إنها من حر شمسك حمايه
وترى مجاراة العقول الغريره؟
بدايةٍ ولا لها أية نهايه
لأن السنا مافاد عينٍ ضريره
كني على المويه أخط بعصايه
والفقر ماهو فقر درهم وليره
الفقر فقر النفس ياأهل الدرايه
وإن كان معناته بويمنىً فقيره؟
ماهو على قول الرفيدي (عوايه)
ماهي عواجه فالرجل او معيره
دامه يعرف المقديه والكفايه
والمرجله صعبه ولاهي يسيره
ماهيب تنسب للشكل والكنايه
كبر النسر ؟ ماينفعه فالعسيره
وصغر الصقر ؟ ماعوّقه دون غايه
والربع ربعك بالعسر والستيره
بالسعد سعد ... وللرمايه رمايه
فالرجل كانه دون ربع وعشيره ؟
ماله مع الرايات فالرجم رايه
والكيّس اللي يعتبر درس غيره
من تجربه تنشاف .. ولاّ حكايه
يمشي على حكمه وحكمه شهيره
(إن العلاج آخير منه الوقايه)
وترى قضا الحاجه بأتم السريره
تحميك من قوم الحسد والوشايه
إجعل شعارك فالحياه المريره
.. ماكل شخص آقول له محتوايه ..
حتى لو لسانه يقطر بشيره ؟
ماهوب شرط إنه لقلبه مرآيه
والحب نعمه لا ونعمه كبيره
أترك سواليفٍ تجي من روايه
وهاك القليل اللي صمل عن كثيره
إن كنت في معناه رايب وتايه
الحب ؟ والإخلاص دايم خشيره
أقوى أساس يجي لأجمل بنايه
والشعر منتوج العقول المنيره
هوايته ياطيبها من هوايه
ماهو نتاج سويد ولاّ سميره
ولا نتاج الوسوسه والغوايه
والذكر يبقى كالجبال القريره
إما طمان الذكر ولاّ علايه
فياقلب لاتحزن عسى الأمر خيره
لا زلت ياقلبي بخط البدايه
عقلي تراه مقدر بحكم جيره
واوصاك من خوفه عليك ودرايه
ذي توصيته .. بحسب ماأملا ضميره
وأرجوك ياقلبي تحفظ الوصايه

سعيد بن مانع