قبيلة بني رشيد - عمر الخالدي ونواف العازمي

قبيلة بني رشيد (http://ban3abs.com/aa/index.php)

- منتدى المحــــــــــــــاوره (http://ban3abs.com/aa/forumdisplay.php?f=13)

- - عمر الخالدي ونواف العازمي (http://ban3abs.com/aa/showthread.php?t=68631)

عمر الخالدي ونواف العازمي

عمر الخالدي
سلام ردة شرف نطرق بها كل باب
يالعزوه اللي تعز الضيف وتقدره
حنا شيابه ولكن الرجاء بالشباب
قوم لنا صف وبن البيت وقدره
نواف العازمي
يامرحبا بالنيابه عن عزيز الجناب
من هاجس صاغ بيت الشعر ويصدره
الذيب مافيه شك ان حضر وان كان غاب
ان سند الضلع ولى ياعمر حدره

عمر الخالدي
شهر رمضان اقترب للي يدور ثواب
اما يجي باوله ولى يجي باخره
انشد ابو زيد ويش يقول عمك ذياب
القوم جاتك بجيش وعده مسيره
نواف العازمي
شهر رمضان احسبو له يالهذيلي حساب
واللي ذنوب كبيره يطلب المغفره
ندعي لكم في صالح الامر قبل الخراب
وانا خصيمن يقول الحق ماينكره
عمر الخالدي
بيني وبينك علاقه لايطول العتاب
ان جاتك امورده ون جاتك مصدره
التايه اللي نهار الغزو باع اركاب
ماكن عنده شوير ياقوم ويشاوره
نواف
خمسه من الابل ولى تسع تحسب نصاب
ركن من الدين وراد ماعنه معذره
عسى الركايب وهلها هالسنه للذهاب
كم لي وانا اكسب بعير وكم بعير اخسره
عمر الخالدي
مسرع جمعت العدد مسرع جمعت الحساب

والعبد يعطي من اللي ربه ميسره

خلك على الهون لا نعمل عليك انقلاب
وهذيل لدورت مضمونها تنذره

امل ان تنال اعجابكم
وتقبلو تحياتي
اخوكم ومحبكم
ابو بيان

الله يرحم نواف العااازمي ويرحم امواات المسلمين
وكل الشكر لك اخي ابو بيااان
ودمت بحفظ الله

صح لسان الشعاار والله يرحم ابو عبدالعزيز ..
ولاهان الخالدي..
ابو بيان الشكر موصوول لحظرتك على المواضيع المبدعه ياامبدع ..

البعيد الهادي ,,,,, ناصر الخياري
مروركم يسعدني وفقكم الله وتقبلو تحياتي اخوكم ومحبكم ابو بيان

محاوره رائعه .....
صح لسان الشعاار والله يرحم ابو عبدالعزيز ..
ولاهان الخالدي..
مشكور ابو بيان على النقل الرائع

تحياتي لك

اشكر الجميع على المرور وتقبلو تحياتي اخوكم ومحبكم ابو بيان