قبيلة بني رشيد - النفوس الشقيه

=================================
الليـالـي مشاكلـهـا عــراض طـوالــي للنـفـوس الشقـيـه والنـفـوس السعـيـده
غـاره مـن يميـن وغـاره مــن شمـالـي توهـمـك بالـهـدوء وعاصفتـهـا شـديـده
ياوجـودي علـي الراحـه ويـاوجـد حـالـي ليـت مـالـي مــع الشـعـار ولانشـيـده
هـب ياهالزمـان الـلـي غـزانـي لحـالـي كـل يـوم علـي الهاتـف يجينـي قصـيـده
ذي معاتـب حبيـب وذي مشـاريـه غـالـي وذي تحفـض مـن السكـر وهـاذي تـزيـده
والعرب علمهـم بـي يـوم صـدري شمالـي والليالـي مقـفـت بــه لايمـكـن تعـيـده
روحـت مـع مـهـب الـريـح ياهمـلالـي ماحـد جـت لـه الدنـيـا عـلـي مايـريـده
والتـجـارب عطتـنـا مـيـزه الاحتمـالـي ودرستـنـا مشـاويـر الحـيـاه البـعـيـده
ان مـابـه حـيـاه الا وراهـــا زوالـــي والبـنـادم بهالدنـيـا شـبـوحـه بـعـيـده
ميـر ماهـيـب لامكـسـب ولاراس مـالـي كـود مـن حـط قولـه والنعـم فـي رصيـده
وطـاب عنـد البعيـد وطـاب عنـد الموالـي وله نصيـب الاسـد مـن الخصـال الحميـده
وان تثنـت عــزوم مشوربـيـن العيـالـي عزمه اقـوي مـن ظـروف الحيـاه العنيـده
يرتـكـي بالمنـاكـب للحـمـول الثـقـالـي والطفـر فـي راسـه المطنـوخ والا وريـده
خـل فعـل الجـدود وخـل فـعـل الخـوالـي نـدري انـك ولـدهـم والعـلاقـه وطـيـده
ونـدري ان فعلهـم يستـر بنـات الحـلالـي حتـي لـو جـدك اكحيـلان وانتـه حفـيـده
امـا حـث القـدم واطلـع علـي راس عالـي والا خلـك كـذا وان مـت مـا انـت بفقيـده

الشاعر سلطان الهاجري