قبيلة بني رشيد - تعبت من القصيد, من الجروح, من إنتظار طال..

تعبت من القصيد, من الجروح, من إنتظار طال..

تعبت أستقبل طعون الزمن وأربت على كتفه..

تعبت من الكلام, من السكوت اللي يهد الحال..

تعبت أكثر من الحزن الذي ماينتهي عزفه..

تعبت من الوعود,

من الصديق الطيب

المحتال..

تعبت أعرف كل اللي تعرف الناس بالصدفة..

تعبت من العدو اللي عجز يدخل معي بـ قتال..

تعبت من الظلام اللي قتلت ولا لقى حتفه..

تعبت أسأل من المخطي, تعبت أردد الموال..

مادامك ماسقيت الزرع مالك حق في قطفه..

تعبت ألقى الجواب المقنع اللي ماعليه جدال..

تعبت ألقى طريق ما يكون بآخره شتفه..

تعبت أضفي على الصوت (الحبيبة) وردتين وشال..

تعبت أسمع (صدى شامت) يردد طاحت الغدفة..

تعبت أغازل البسمة على ثغر البكا تختال..

تعبت أشوف (شوفي) ينهزم رغم على أنفه..

تعبت أجامل أيامي ولو ورتني الأهوال..

تعبت أقول عن حمل ثقيل أتفه من الأتفه..

تعبت أهز راسي غيظ وألقى في يدي غلال..

تعبت أسير خلف الوهم لو غيري ركض خلفه..

تعبت أشد وأنزل ماظهر لي طيب المنزال..

تعبت من الدروب اللي مشيت وكلها صلفه..

تعبت أرسم حروفي شمس وألمح بالوجيه ظلال..

بعض ناس تعرف النور بس تقول ما تعرفه..

تعبت وقلت كل اللي أظنه يا (?) ينقال..

تعبت أبغى ألقط أنفاسي (إذا") لابد من وقفه..