قبيلة بني رشيد - قصيدة الشاعر/سلمان الرشيدي

ياامير بشـرني عـــســى مـابـك خـلاف **عسى المـرض عنكــم ركــابــه نكــايف
ياللي لحــب الطـــيــب والخير مزهـاف**لابـاس لاحــافــك مـــن الـشـــر حـــايف
عسى الشفاء لك فراش ياامير ولحـاف**ياللي ضمــيــرك بيض صحفه نـظــايف
سلطان وصــفــك مايقـارن بالأوصــاف**لــو آصــفــك بالناس مــالك وصــــايف
للشعب قلبــك ياابيض الــوجـــه ميلاف**قلـبـك وقــلــب الشــعـــب كــلــه ولايف
سلطان سلطــان الــمـــروه والانصــاف**ريف الضعـيف اللـي طــوتــه الكسايف
ضــلـعٍ يـذري مــن لجــا لــه ليـاخـــاف**ملـجـــأ المـقــل اللــي سنينه عــجــايف
عن الطــمــان يــزم نفــســه لمشــراف**حــرٍ عــشــق مــرقــاء عـسير النوايف
مفـراص ضـرس منه الأخصــام تنلاف**منه الخـصــيــم يــروح قلــبه شضـايف
مــنـجــبــه صــقـــر لتـاريخــنا غــلاف** كــل الصـــقــور لضـــرب كــفـه لعايف
عـبـدالعــزيــز اللـي حمى كل الأطـراف**فــريــس نجــد بطـــوع رايــه عــسايف
لاشــافه الفارس منه يقضــف أقضـاف**واللــي معـه فــوجــيــن ركــب وردايف
وانت لك ساسٍ مابني فـــوق مهــــياف**ســــاسٍ عــدل مــبـنـاه ماهـــو مهايف
مـاجـور مـن ماصار بك ياابن الأشراف** ذاع الخــبــر وانهــال دمــعــي ذرايـف
عليك كـــل الشــعــــب بالــدمـــع ذراف**وفــرجـــت من اللي بالمخــالـيـق رايف
عـــلام ماتخـفــيــه الأنفــس ومايشـاف**لامـــد مــامـــدات جـــوده قــضـــــايـف
_______________________________________
قصيدة الشاعر/سلمان الرشيدي