قبيلة بني رشيد - حدود الانسجام لجشمان الرشيدي

يامحمد شاتيه ماعلي امن الكلام
شب نارك يامحمد وقرب لذرا
يامحمد بردها دق في صم العظام
بردها قارس ولا فيه شيٍ يندرا
انتبه من خشة البرد ياراع الجهام
كان خش العظم ثم انكسر مايجبرا
صور الواقع الياء صار بردٍ مع غمام
صوره وأرفع حجاجك لاينزل لثرا
السحابه سيلها سال من فوق العدام
والله اني شايفه وانت قلي وش ترا
كان ساق المزن قلتلك يامحمد سلام
تو زان الكيف والي يبا الطرقه سرا
وكان خيم مزنها ماعلى الشاطي ملام
لو صفق بالعصر جزره ومده يعذرا
ماتجيلك يامحمد على حسّن المرام
للين تاطى روس الأعداء بخشم الكندرا
المهندس مايبرمج بلا عرف ونظام
كان ضيع حرف واحد يضيع المجهرا
والسوالف كان عدت حدودالأنسجام
لو يطول الشرح فيها ترى مايثمرا
جاك علمي ياولد عبس والمسك الختام
ميزو به وافهم اللي على بالي طرا

خشمان الرشيدي