معتق العياضي و ذيب الشمرري
 

السلا م عليكم ورحوة الله وبركاتة
هذة محاورة في منطقة حايل مع الشاعر الشاب معتق العياضي والشاعر المعروف ذيب الشمري
معتق العياضي
من الهاجس اللي مايخلي خويه=سلامي على شمر دهات الرجالي
ياذيب الضحايا كاثره ياالضحيه=ومات العطاوي وابوزيد الهلالي


ذيب الشمري
من الهاجس اللي عالي المعنويه=هلا مرحبا ياحرب والعلم تالي
انا اعرف ضحايا السيف والبندقيه=وحنا ضحايا تحت ضرب الريالي
معتق العياضي
بعد دار ريح العود والشاذليه=ابااخذ علومك والموالي موالي
طرحنا الشداد اللي بظهر المطيه=وماللحمول الا ظهور الجمالي
ذيب الشمري
لوالصق على اذنك ورقة الخمس ميه=يسومونك التجار في سعر غالي
سباقً خذا المترديه والقويه=نعده سباق من النسيج الخيالي
معتق العياضي
لو الصق على اذنك عملة عالميه=ماتنسام ياالمقرود لو في ريالي
مدام الدعاوي روحت عنصريه=علامك مسكت الباب والجيب خالي
ذيب الشمري
تعيش الذيابه بالديار الخليه=ولاتشترى وارقابها بالحبالي
على شيوخنا ماتضحك السرسريه=نعرف الزبون النمس والراس مالي
معتق العياضي
تعيش الذيابه يم هضبة طميه=وتموت الذيابه في ديار الشمالي
انااقول هاذي غلطة"مطبعيه=لاوالله شمسك قربت للزوالي
ذيب الشمري
يجي دوركم بعدين بالمسرحيه=واناعمكم مير اهربوا ياعيالي
نصيحه من الحربي لها قابليه=لوإنه ثقيل الدم شاعر مثالي

ارجو التفاعل

تسلم اخي مشعل بيض الله وجهك
لاهنت

صح لسان الشاعرين

تسلم اخووي على المحاورة

وتحياتي لك .

ابو دخيل تسلم على نقل المحاورة ..
لاهنت يالغلا ..
تسلم اناملكـ ....

الله يسلمكم جميع

الله يسلمك