طاروق بين الشاعرين / معتق العياضي وفلاح المورقي من الحفلة التي أقيمت بالرياض
يوم الأربعاء الموافق 4/5/1430هـ






معتق العياضي
سلام تسليمه لها ستة أبواب = والسابع مسكر ولأحدٍ يصله
يالمورقي صاحبك ولفله كتاب = يبا ينافس صورتك بالمجله




فلاح المورقي
يامرحبا وإقلط ترى مابه أغراب = وإن كان ماقلطت دربك تدله
ياصاحبي معتق ترى كلنا أصحاب = والصاحب أدمحله ثلاثين زله



معتق العياضي
أنته وأنا في حفل عكفان الأشناب = ماقصروا والكيف فنجال دله
ياصاحبي صادق ولاأنته بكذاب = واللغز غامض مالقى من يحله





فلاح المورقي



أنته وأنا فالحفل وأحسب لي حساب = وطويق ظللني وظللك ظله
اللي يبا النصرة ولايبذل أسباب = إليا وصله دار مايستحله






معتق العياضي




حربي وأمثل عزوتي قدم الأجناب = وطويق لك وأنا يظللني الله
محراب مكة عن ملايين محراب = وإن كان فاتك فرض رحله وصله







فلاح المورقي





إتقدمك عزوتك من باب الإعجاب = أنته ياولد منير شاعر وفله
ماخاب ظن اللي يقدمك ماخاب = لكن ليت الظن يثبت محله

لاهنت يالغلااا مشعل الخياري
نقل مميــز كتميزك هنــآ
سلمتـ يمينك تقبل مروووري